संबंधित माहिती
- महाराष्ट्रात कोरोना विषाणूची 10697 प्रकरणे,नोंदली तर 360 रुग्ण मृत्युमुखी
- काळी बुरशी म्हणजे काय? म्युकर मायकोसिसमध्ये काळजी कशी घ्यावी, उपचार काय आहेत?
- धक्कादायक ! आता मेंदूत ब्लॅक फंगस
- कोरोना जीएसटी: कोरोना लशीवरील जीएसटी कायम; उपचार आणि उपकरणांवर सूट
- कोरोना लस : कोव्हॅक्सिन लस संपूर्ण स्वदेशी असूनही इतकी महाग का?
अदर पूनावाला यांच्याविरोधात फसवणुकीचा गुन्हा का दाखल करण्यात आला?
कोव्हिशिल्ड लस घेतल्यानंतरही अँटीबॉडीज तयार न झाल्याचा दावा करत लखनौ येथील मानवाधिकार कार्यकर्ते प्रताप चंद यांनी 156-3 अंतर्गत सिरम इन्स्टिट्यूटचे मालक अदर पूनावाला, ड्रग कंट्रोलर डायरेक्टर आयसीएमआर, आरोग्य सचिव आणि WHO यांच्यावर फसवणुकीचा गुन्हा दाखल केला आहे.
30 मे रोजी प्रताप चंद यांनी आशियाना पोलीस ठाण्यात तक्रार केली पण गुन्हा नोंदवण्यात आला नाही. यामुळे त्यांनी लखनौचे पोलीस आयुक्त आणि महासंचालक यांनाही पत्र पाठवले. पण अखेर त्यांनी न्यायालयात दाद मागितली.
प्रताप चंद यांच्यानुसार, "8 एप्रिल 2021 रोजी त्यांनी कोव्हिशिल्ड लस घेतली. 28 दिवसांनंतर दुसरा डोस देण्यात येईल असं सांगण्यात आलं पण नंतर सहा आठवड्यांनी लस मिळेल असं सांगितलं. त्यानंतर सरकारने सहा नाही बारा आठवड्यांनंतर लस देण्यात येईल असं जाहीर केलं.
21 मे 2021 रोजी आयसीएमआर आणि आरोग्य मंत्रालयाची पत्रकार परिषद पाहत असताना आयसीएमआरचे संचालक बलराम भार्गव यांनी लसीचा पहिला डोस घेतल्यानंतर शरिरात अँटीबॉडीज तयार होतात अशी माहिती दिली. हे तपासण्यासाठी मी सरकारमान्य लॅबमधून अँटीबॉडीज टेस्ट केली. पण माझा रिपोर्ट निगेटिव्ह आला. तसंच प्लेटलेट्स तीन लाखांवरून दीड लाखांपर्यंत कमी झाल्या."
यामुळे आपल्यासोबत फसवणूक झाली असून आपल्या जीवालाही धोका निर्माण झाल्याची तक्रार प्रताप चंद यांनी केली आहे.
