IND Vs ENG: रोहित शर्मा ला सराव करताना दुखापत, आजचा सामना खेळणार नाही!

Publish: Sun, 29 Oct 2023 (12:19 IST) Updated: Sun, 29 Oct 2023 (12:22 IST)

IND Vs ENG: ICC विश्वचषक 2023 IND vs ENG:  ICC क्रिकेट विश्वचषक स्पर्धेत भारत विरुद्ध इंग्लंड यांच्यातील सामना लखनौ येथे खेळवला जाईल. या सामन्यापूर्वी टीम इंडियाला मोठा धक्का बसला आहे.क्रिकेट विश्वचषक स्पर्धेत रविवारी 29 ऑक्टोबर रोजी भारत विरुद्ध इंग्लंड सामना होणार आहे.

याआधी टीम इंडियाचा कर्णधार रोहित शर्माच्या मनगटात दुखापत झाली . तो नेटमध्ये फलंदाजीचा सराव करत होता, त्यादरम्यान एक चेंडू त्याच्या अपेक्षेपेक्षा जास्त उसळला आणि त्याच्या मनगटावर आदळला.आजच्या सामन्यात रोहित शर्मा खेळला नाही तर टीम इंडियासाठी हा मोठा धक्का असेल. त्याने या स्पर्धेत शतक आणि अर्धशतकाव्यतिरिक्त 48 आणि 46 धावांच्या दोन महत्त्वपूर्ण डाव खेळले आहेत.

न्यूझीलंडविरुद्धच्या याआधीच्या सामन्यात स्टार अष्टपैलू हार्दिक पंड्याही दुखापतीमुळे खेळू शकला नाही. . 

या सामन्यात हार्दिक पांड्याचे प्लेइंग इलेव्हनमध्ये पुनरागमन अपेक्षित आहे. जर पांड्या संघात परतला तर तो रोहितच्या अनुपस्थितीत संघाचे नेतृत्व करेल. पण जर रोहित आजचा सामना खेळण्यासाठी तंदुरुस्त नसेल तर भारतीय संघात काही बदल होण्याची शक्यता आहे. 

रोहितच्या जागी ईशान किशनला सलामीची संधी मिळणार आहे.

Edited by - Priya Dixit