'टकाटक' प्रथमेश परबचा 'आपला हात जगन्नाथ'
'टाईमपास' फेम प्रथमेश परबच्या नवीन चित्रपट 'टकाटक' यातील एक गाणे नुकतेच प्रदर्शित झाले आहे. आपला हात जग्गनाथ असे या गाण्याचे बोल आहे.
'टकाटक' चित्रपट 28 जूनला प्रदर्शित होणार आहे. पर्पल बुल एंटरटेनमेंट प्रा. लि., व्ही. पतके फिल्म्स आणि गांववाला क्रिएशन्सच्या बॅनरखाली तयार झालेल्या 'टकाटक' या चित्रपटात प्रथमेश परब मुख्य भूमिकेत असून रितिका श्रोत्री ही नवोदित अभिनेत्री प्रेक्षकांच्या भेटी येत आहे.
आपला हात जगन्नाथ गाण्याला आनंद शिंदेने स्वरसाज दिला असून हे गीत जय अत्रे यांनी लिहिले आहे. संगीतकार वरूण लिखते यांनी हे गीत संगीतबद्ध केले आहे.
मिलिंद कवडेंच्या दिग्दर्शर्नाखाली तयार होत असलेले हे चित्रपट मनोरंजक असल्याची खासी दिली जात आहे.
या चित्रपटात प्रथमेश-रितिकासोबत अभिजीत आमकर, प्रणाली भालेराव, भारत गणेशपुरे, प्रदीप पटवर्धन, आनंदा कारेकर आदी कलाकारांनी भूमिका बजावल्या आहेत. दिग्दर्शनासोबतच मिलिंद कवडे यांनी अजय ठाकूर यांच्या साथीनं या चित्रपटाची कथा-पटकथा लिहिली आहे.
