महाराष्ट्रातील सात आश्चर्यापैकी एक प्राचीन देवगिरी किल्ला दौलताबाद

Maharashtra Tourism : महाराष्ट्रातला समृद्ध इतिहास लाभला असून महाराष्ट्रात अश्या काही प्राचीन वास्तू भक्कमपणे उभ्या आहे ज्या आज ही इतिहासाची साक्ष देतात. त्या प्राचीन ऐतिहासिक वास्तुंपैकी एक आहे देवगिरी किल्ला म्हणजेच दौलताबादचा किल्ला होय. महाराष्ट्रातील सात आश्चर्यापैकी एक असलेला दौलताबाद किल्ला हा औरंगाबाद शहरापासून 15 किमी अंतरावर असलेली एक प्राचीन रचना आहे जी आजही भव्यपणे उभी आहे.     

दौलताबाद किल्ल्याचा इतिहास-
दौलताबाद किल्ला हा 12 व्या शतकात बांधला गेला. या किल्ल्याला देवगिरी किल्ला असेही म्हणतात, जो अनेक पर्यटकांना मंत्रमुग्ध करतो. जर तुम्ही इतिहासप्रेमी असाल तर या किल्ल्याला अवश्य भेट द्या. तसेच दौलताबाद किल्ल्याचा इतिहास खूप मनोरंजक आणि प्राचीन आहे. 1187 मध्ये जेव्हा मुहम्मद तुघलकने दिल्लीचे सिंहासन ताब्यात घेतले. तेव्हा यादव राजवंशाने दौलताबाद किल्ला बांधला होता. हा किल्ला देशातील सर्वोत्तम संरक्षित किल्ल्यांपैकी एक मानला जातो, जो अनेक वर्षे कोणत्याही बदलाशिवाय भक्कम उभा आहे. यादव घराण्याचे भरभराटीचे राज्य दिल्लीच्या तुघलक घराण्याने मुहम्मद बिन तुघलकच्या नेतृत्वाखाली जिंकले, ज्याने देवगिरी शहर आणि दोन किल्ले ताब्यात घेतले. 1327 च्या सुरुवातीला, जेव्हा देवगिरी शहर तुघलक राजवंशाने ताब्यात घेतले, तेव्हा त्या ठिकाणाचे नाव देवगिरी वरून दौलताबाद असे बदलण्यात आले.  

देवगिरी किल्ल्याचे बांधकाम-
दौलताबादचा किल्ला हा किल्ला सुमारे 200 मीटर उंच शंकूच्या आकाराच्या टेकडीवर आहे. ज्याचा खालचा भाग एका खंदकाने वेढलेला आहे जो शत्रूंच्या प्रवेशास प्रतिबंध करण्यासाठी मगरींनी भरलेला होता. देवगिरी किल्ल्याचे बांधकाम स्वतःच अद्वितीय होते आणि ते अशा प्रकारे बांधले गेले होते की कोणताही शत्रू त्यात प्रवेश करू शकत नव्हता. किल्ल्याला एकच दरवाजा होता जो प्रवेशद्वार आणि बाहेर पडण्याचा मार्ग होता. संपूर्ण किल्ला अनेक बुरुजांनी संरक्षित आहे. तुघलक राजवंशाच्या काळात, विविध तोफांनी तोआणखी मजबूत केला आणि या महाकाय इमारतीचे रक्षण करण्यासाठी 5 किमीची मजबूत भिंत बांधण्यात आली. तुघलक राजवंशाच्या काळात किल्ल्याच्या आत 30 मीटर उंचीचा चांदमिनार देखील बांधण्यात आला होता.
दौलताबादचा किल्ला जावे कसे?
विमानमार्ग - औरंगाबादचे दौलताबाद पासून जवळचे विमानतळ आहे जे किल्ल्यापासून सुमारे 10 किमी अंतरावर आहे.विमानतळावरून टॅक्सी, कॅब किंवा इतर स्थानिक वाहतुकीच्या मदतीने दौलताबाद किल्ल्यावर सहज पोहचता येते.

रेल्वेमार्ग- औरंगाबाद हे शहर भारतीय रेल्वेच्या दक्षिण-मध्य विभागात येते. हे शहर मुंबई, अहमदाबाद, हैदराबाद, भोपाळ, पुणे, नागपूर आणि शिर्डीशी रेल्वेने जोडलेले आहे. रेल्वे स्टेशनवरून कॅब किंवा स्थानिक वाहनाच्या मदतीने किल्ल्यापर्यंत सह्ज पोहचता येते.

रस्ता मार्ग- औरंगाबाद हे नागपूर, मुंबई, पुणे यासह भारतातील अनेक प्रमुख शहरांशी रस्त्याने जोडलेले आहे. तसेच खासगी वाहन किंवा बसच्या मदतीने किल्ल्यापर्यंत सहज पोहचता येते.