संबंधित माहिती
- 'भुतांनी रातोरात बांधलेले मंदिर, पण ते अपूर्ण का राहिले? विस्मयकारक रहस्य जाणून घ्या
- फादर्स डे निमित्त वडिलांसोबत एक निवांत आणि आध्यात्मिक प्रवास, भेट द्या महाराष्ट्रातील या तीर्थक्षेत्री
- अध्यात्माने भारलेला निसर्गरम्य, मार्कंडेय ऋषींच्या तपश्चर्येचे पवित्र स्थान मार्कंडेय पर्वत नाशिक
- ऑगस्टमध्ये भेट देण्यासाठी महाराष्ट्रातील सर्वोत्तम आणि सुरक्षित मान्सून ट्रेक्स
- देशात या ठिकाणी पडतो सर्वाधिक पाऊस, हिरवळ आणि नैसर्गिक दृश्यांचे प्रेमी असाल तर नक्कीच भेट द्या
पवित्र आणि शांत ठिकाण श्री संत गजानन महाराज मठ श्री क्षेत्र आळंदी
Maharashtra Tourism : श्री संत गजानन महाराज मठ, श्री क्षेत्र आळंदी हे हे वारकरी संप्रदाय आणि गजानन महाराजांच्या भक्तांसाठी अत्यंत पवित्र आणि शांत ठिकाण आहे. माऊलींच्या संत ज्ञानेश्वर महाराज संजीवन समाधी भूमीत म्हणजेच आळंदीमध्ये शेगावीच्या गजानन महाराजांचा हा मठ भक्तांचे मोठे श्रद्धास्थान आहे.
हा मठ देवाची आळंदी मोशी रोड, देहू-आळंदी रोड पुणे जिल्हा, महाराष्ट्र येथे असून मठाची स्थापना १९९८ मध्ये शेगाव संस्थानतर्फे सुरू करण्यात आले. ज्ञानेश्वर माउलींच्या समाधीस्थानाकडे येणाऱ्या वारकऱ्यांसाठी आणि भागवत धर्म प्रसारासाठी हे मंदिर बांधले गेले. भव्य संगमरवरी मंदिर, राजस्थानी कारागिरांनी केलेली नक्षीदार कामे, सभामंडप, पादुका आणि महाराजांची मूर्ती. मंदिर उंचीवर असून ५० पायऱ्या चढून जाता येते. सुंदर उद्यान आणि प्रवेशद्वार आहे.
हे ठिकाण आळंदीच्या पवित्र वातावरणात शांतता आणि आध्यात्मिक अनुभव देणारे आहे. ज्ञानेश्वर माउलींच्या दर्शनाबरोबरच गजानन महाराजांच्या दर्शनासाठी भाविक मोठ्या संख्येने येतात.
मठाचे महत्त्व आणि वातावरण
आळंदी येथील गजानन महाराज मठ हा अतिशय स्वच्छ, शिस्तबद्ध आणि शांततेसाठी ओळखला जातो. शेगावच्या मुख्य मंदिराप्रमाणेच येथेही अतिशय कडक शिस्त आणि भक्तीभावाचे वातावरण पाहायला मिळते. आळंदीला येणारे बहुतांश भाविक माऊलींच्या दर्शनासोबतच या मठाला आवर्जून भेट देतात. मठात रोज ठरावीक वेळी काकड आरती, अभिषेक, विष्णूसहस्रनाम पठण, आणि संध्याकाळी प्रकट दिन किंवा इतर उत्सवांच्या वेळी भजन-कीर्तन असे धार्मिक कार्यक्रम पार पडतात.
श्री संत गजानन महाराज मठ श्री क्षेत्र आळंदी जावे कसे?
हा मठ देवाची आळंदी मोशी रोड, देहू-आळंदी रोड पुणे जिल्ह्यात असून पुणे रेल्वे स्टेशन किंवा एअरपोर्टवरून आळंदीसाठी थेट बसेस आणि टॅक्सी उपलब्ध असतात.
