संबंधित माहिती
- वाचा, मराठा आरक्षणाबाबत महत्त्वाची माहिती अशोक चव्हाण यांनी काय दिली
- फडणवीस यांना मुख्यमंत्री करा, तीन महिन्यात मराठा आरक्षण मिळवून देऊ- नितेश राणे - नितेश राणे
- मराठा आरक्षण, छत्रपती संभाजीराजे भोसले मुख्यमंत्र्यांची भेट घेणार
- मराठा आरक्षण, सर्वोच्च न्यायालयात चौथ्यांदा अर्ज सादर करणार
- मराठा समाजातल्या संघटनांमध्ये इगो प्रॉब्लेम - उदयनराजे भोसले
मराठा आरक्षण, पाच वकिलांची समन्वय समिती जाहीर
एसईबीसी आरक्षण प्रकरणातील सर्वोच्च न्यायालयाचा अंतरिम आदेश रद्द करण्याच्या राज्य शासनाच्या मागणीसंदर्भात ५ सदस्यीय घटनापीठासमोर होणार्या सुनावणीच्या अनुषंगाने मराठा आरक्षण विषयक मंत्रिमंडळ उपसमितीचे अध्यक्ष अशोक चव्हाण यांनी पाच वकिलांची समन्वय समिती जाहीर केली आहे.
चव्हाण यांनी दिलेल्या माहितीनुसार, या समन्वय समितीमध्ये अॅड. आशिष गायकवाड, अॅड. राजेश टेकाळे, अॅड. रमेश दुबे पाटील, अॅड. अनिल गोळेगावकर व अॅड. अभिजीत पाटील यांचा समावेश आहे. मराठा आरक्षणासंदर्भात सर्वोच्च न्यायालयाने दिलेला अंतरिम आदेश रद्द करण्याच्या मागणीसाठी येत्या ९ डिसेंबर रोजी दुपारी २ वाजता होणार्या सुनावणीच्या अनुषंगाने मराठा समाजातील नागरिक, समन्वयक, जाणकार, अभ्यासक व संघटनांना कायदेशीर स्वरूपाच्या सूचना मांडायच्या असतील तर त्यांनी समन्वय समितीतील सदस्यांशी संपर्क साधावा. ही समिती आलेल्या सूचनांचा अभ्यास करून त्याबाबत राज्य शासनाच्या वकिलांना माहिती देईल.
