रविवार, 25 सप्टेंबर 2022
  1. लाईफस्टाईल
  2. सखी
  3. सौंदर्य सल्ला
Written By
Last Modified रविवार, 5 जून 2022 (15:12 IST)

Beauty Tips :केसगळती रोखण्यासाठी हे हेअर पॅक लावा

Hair care tips:आपल्या त्वचेप्रमाणे केसांनाही अतिरिक्त काळजी घ्यावी लागते. सामान्यतः, तीक्ष्ण  सूर्यप्रकाश, हवामानातील बदल, तणाव आणि प्रदूषण इत्यादीसारखे अनेक घटक असतात, ज्यामुळे तुमच्या केसांचे नुकसान होऊ शकते. त्यामुळे केसांच्या वाढीवर परिणाम होतो. बाजारातील महागडे उत्पादन वापरून देखील काही विशेष फायदा होत नाही. अशा परिस्थितीत काही घरगुती पॅक बनवून केसांना लावल्याने हे केसांना अतिरिक्त पोषण देण्याचे काम करते,केसांची वाढ होते.चला तर मग या पॅक बद्दल जाणून घेऊ या.  
 
1 दालचिनी आणि नारळ तेल हेअर पॅक -
जर तुमचे केस खूप पातळ असतील आणि ते सतत तुटत असतील तर तुम्ही हा हेअर पॅक वापरावा. दालचिनी केवळ रक्ताभिसरणाला प्रोत्साहन देत नाही तर या पॅकमुळे केसांची वाढ आणि मजबुती देखील वाढवते. दुसरीकडे, नारळाच्या तेलात फॅटी अॅसिड भरपूर असते, जे केसांची दुरुस्ती करण्यास मदत करतात.
 
आवश्यक साहित्य-
1 टीस्पून दालचिनी पूड 
1 टीस्पून नारळ तेल
 
हेअर पॅक कसा बनवायचा
सर्व प्रथम एका भांड्यात दालचिनी आणि खोबरेल तेल टाका आणि चांगले मिसळा.
आता ते तुमच्या टाळूवर लावा आणि हलक्या हातांनी मसाज करा. 
हा पॅक 30 ते 45 मिनिटे ठेवा आणि नंतर कोमट पाण्याने धुवा.
 
- आपण आपल्यानुसार घटकांचे प्रमाण समायोजित करू शकता.
 
2 खोबरेल तेल, लिंबू आणि अंडी हेअर पॅक
 केस कोरडे असतील आणि केसांना पोषण देताना केसगळती रोखायची असेल, तर हा हेअर पॅक तुमच्यासाठी उपयुक्त ठरेल. या पॅकमध्ये अंड्यांचा वापर केला जातो, ज्यामुळे केस मजबूत होतात. याव्यतिरिक्त, खोबरेल तेल आणि दही सारखे हायड्रेटिंग घटक केसांच्या कोरडेपणाचे व्यवस्थापन करण्यास मदत करतात.
 
आवश्यक साहित्य-
1 टीस्पून नारळ तेल
1 लिंबाचा रस 
1/2 कप साधे दही 
1 अंडी 
 
हेअर पॅक कसा बनवायचा
सर्व प्रथम एका भांड्यात सर्व साहित्य चांगले मिसळा. 
आता हा पॅक बोटांच्या मदतीने टाळूपासून टोकापर्यंत लावा. 
त्यानंतर तुम्ही शॉवर कॅपने झाकून ठेवा आणि 20-25 मिनिटे असेच राहू द्या. 
त्यानंतर कोमट पाण्याने चांगले धुवा.
 केस नेहमीप्रमाणे शॅम्पू करा.
 
 
3 खोबरेल तेल आणि मध हेअर पॅक-
जर तुमचे केस खराब झाले असतील तर खोबरेल तेल आणि मधाचा हेअर पॅक बनवून केसांचे पोषण होऊ शकते. या पॅकमुळे केसांची वाढ तर होईलच पण केस चमकदार आणि गुळगुळीतही होतील.
 
आवश्यक साहित्य
1 टीस्पून ऑर्गेनिक अनरिफाईंड नारळ तेल 
1 टेबलस्पून कच्चा मध
 
हेअर पॅक कसा बनवायचा-
सर्व साहित्य एका मिक्सिंग बाऊलमध्ये ठेवा आणि चांगले मिसळा.
आता ते तुमच्या ओल्या किंवा कोरड्या केसांना लावा.
 केसांच्या टोकांवर लावावे, 
पॅक लावा आणि साधारण अर्धा तास असेच राहू द्या. 
यानंतर, केस प्रथम स्वच्छ पाण्याने स्वच्छ धुवा आणि नंतर केसांना शॅम्पू करा