Beauty Tips : रात्री झोपण्यापूर्वी ऑलिव्ह ऑईलने चेहऱ्याला मसाज करा, नैसर्गिक चमक मिळवा
फेशियल किंवा फेस मास्कच केवळ चमकदार त्वचेसाठीच प्रभावी नसतात, तर अनेक नैसर्गिक तेल देखील त्वचेसाठी खूप चांगले मानले जातात. ऑलिव्ह ऑईल फक्त आपल्या आरोग्यासाठी आणि केसांसाठी फायदेशीर नाही, तर ऑलिव्ह ऑइल त्वचेच्या समस्या दूर करण्यासाठी देखील खूप प्रभावी आहे.
दररोजच्या आयुष्यात याचा समावेश केला तर आरोग्याच्या सर्व समस्या दूर होतील. ऑलिव्ह ऑइलमध्ये सॅच्युरेटेड फॅट, मोनोसॅच्युरेटेड फॅट, पॉलीअनसॅच्युरेटेड फॅट, सोडियम, पोटॅशियम, व्हिटॅमिन के, व्हिटॅमिन ई आणि व्हिटॅमिन ए यांसारखे अनेक पोषक घटक आढळतात.
* चेहऱ्यावर नाईट क्रीमप्रमाणे मसाज करा;
रात्री झोपण्यापूर्वी ऑलिव्ह ऑईलच्या4थेंबांनी त्वचेला मसाज करा. फक्त 2 मिनिटे चेहरा आणि मानेला मसाज करा आणि नंतर झोपी जा. सकाळी उठून त्वचा तजेल दिसेल. ऑलिव्ह ऑईलमध्ये व्हिटॅमिन-ई मुबलक प्रमाणात आढळते, त्यामुळे चेहऱ्यावर लावल्याने त्वचेच्या अनेक समस्यांपासून सुटका मिळते. हे त्वचेच्या खराब झालेल्या पेशींची फार लवकर दुरुस्ती करते.
टीप -ऑलिव्ह ऑईल लावण्यापूर्वी लक्षात ठेवा की चेहरा पूर्णपणे स्वच्छ असावा. म्हणजेच फेसवॉशने चेहरा धुवा. यानंतर, ऑलिव्ह ऑइलचे फक्त 4-5 थेंब चेहऱ्यावर लावा. जास्त प्रमाणात ऑलिव्ह ऑईल लावल्याने मुरूम होऊ शकतात. त्याच वेळी, जर आपली त्वचा तेलकट असेल, तर ऑलिव्ह ऑइलमध्ये टी ट्री असेन्सियल ऑयलचे काही थेंब टाकूनच ते वापरा. त्याच वेळी, जर त्वचा कोरडी असेल तर त्यात ग्लिसरीनचा एक थेंब देखील घालू शकता.
