तीन मोठ्या बँकांनी केली कर्जावरील व्याजदरात वाढ

एसबीआयने एप्रिल २०१६ नंतर पहिल्यांदाच आपल्या व्याजदरांमध्ये वाढ केली आहे. या बँकेच्या एका वर्षाच्या कर्जावर एमसीएलआर ७.९५ टक्के इतका होता. यामध्ये ०.२० टक्के वाढ करण्यात आली आहे. त्याचबरोबर सहा महिन्यांच्या कर्जावर एमसीएलआर ०.१० टक्के वाढवून ८ टक्के ठेवण्यात आला आहे. ३ वर्षांच्या कालावधीसाठी व्याजदरांत ०.२५ टक्के वाढ करण्यात आली असून तो ८.३५ टक्के इतका करण्यात आला आहे.  एसबीआयप्रमाणेच आयसीआयसीआय आणि पीएनबी बँकेने देखील एमसीएलआरमध्ये १५ बेसिस पाँईंटने वाढ केली आहे.