iPhone 15 खरेदी करणाऱ्यांसाठी रिलायन्सकडून मोठी ऑफर
Reliance offers news: रिलायन्स रिटेल स्टोअर्स, रिलायन्स डिजिटल ऑनलाइन किंवा JioMart वरून iPhone 15 खरेदी करणाऱ्या ग्राहकांना रिलायन्सने मोठी ऑफर दिली आहे. या ऑफर अंतर्गत, ग्राहक 6 महिन्यांसाठी 399 रुपये प्रति महिना (प्रतिदिन 3 GB डेटा, अमर्यादित व्हॉइस, 100 SMS प्रति दिन) च्या मोफत प्लॅनसाठी पात्र असतील.
कंपनीच्या म्हणण्यानुसार, या ऑफर अंतर्गत ग्राहकाला 2394 रुपयांचा मोफत लाभ मिळतो. ही ऑफर रु. 149 आणि त्यावरील प्लॅनवर नवीन प्रीपेड ऍक्टिव्हेशनसाठी वैध असेल. कंपनीच्या मते, नॉन-जिओ ग्राहक या ऑफरचा लाभ घेण्यासाठी नवीन सिम घेऊ शकतात किंवा MNP मिळवू शकतात.
ऑफर 22 सप्टेंबर 2023 पासून सुरू होईल. नवीन iPhone 15 डिव्हाइसमध्ये नवीन प्रीपेड Jio सिम टाकल्यानंतर 72 तासांच्या आत तुमच्या मोबाइल कनेक्शनवर मोफत ऑफर स्वयंचलितपणे जमा होईल. एवढेच नाही तर पात्र ग्राहकांना एसएमएस/ई-मेलद्वारे कळवले जाईल. कंपनीची मोफत योजना केवळ iPhone 15 उपकरणांवरच काम करेल.
