बुधवार, 30 नोव्हेंबर 2022
  1. मराठी बातम्या
  2. अर्थजगत
  3. वाणिज्य वृत्त
Written By
Last Updated: शुक्रवार, 30 सप्टेंबर 2022 (18:38 IST)

Debit-Credit Card Tokenization: उद्यापासून बदलणार नियम

Debit-Credit Card Tokenization: डेबिट आणि क्रेडिट कार्डचे टोकनीकरण नियम 1 ऑक्टोबर 2022 पासून म्हणजेच उद्यापासून लागू होत आहे. टोकनकरणासह ऑनलाइन फसवणुकीला आळा घालण्याची तयारी सुरू आहे. हा नवीन नियम लागू झाल्यानंतर ग्राहकांचा वैयक्तिक डेटा सुरक्षित राहणार आहे. 1 ऑक्टोबर 2022 पासून, डेबिट आणि क्रेडिट कार्डद्वारे ऑनलाइन पेमेंट करण्यासाठी, तुम्हाला व्यापारी वेबसाइट, पॉइंट ऑफ सेल (POS) किंवा तुम्ही पेमेंट करत असलेल्या कोणत्याही गेटवेवर तुमच्या कार्ड डिटेल्सऐवजी टोकन प्रदान करावे लागेल. या नियमाच्या अंमलबजावणीची अंतिम मुदत पुढे ढकलली जाईल की नाही याबद्दल केंद्रीय रिझर्व्ह बँकेकडून अद्याप असे कोणतेही अपडेट केले नाही.
 
कार्ड टोकनायझेशन नियम आल्यानंतर काय बदल होईल
कोणताही पेमेंट एग्रीगेटर, पेमेंट गेटवे किंवा व्यापारी 1 ऑक्टोबरपासून कोणत्याही ग्राहकाचा क्रेडिट किंवा डेबिट कार्ड डेटा त्याच्याकडे साठवू शकत नाही. याचा अर्थ असा की 30 सप्टेंबरपासून कोणत्याही पेमेंट साइट किंवा अॅपवर, 16-अंकी कार्ड नंबर, एक्सपायरी डेट आणि CVV त्यांच्याकडे डेटा म्हणून साठवता येणार नाही.
 
कार्डधारकांना उद्यापासून कार्डद्वारे पैसे देणाऱ्या कोणत्याही गेटवेवर कार्डचा  डिटेल्स  देण्याऐवजी त्यांना टोकन द्यावे लागेल.
 
डेबिट क्रेडिट कार्डधारकांनी टोकन बनवण्यासाठी काय करावे
 
कोणत्याही ई-कॉमर्स वेबसाइटवर जा.
 
पेमेंट पद्धतीसाठी तुम्हाला जे कार्ड निवडायचे आहे ते निवडा.
 
विचारले जाणारे डीटेल्स पाहिल्यानंतर काळजीपूर्वक भरा.
 
वेबसाईटवर 'secure your card as per RBI guidelines option'या पर्यायावर टॅप करा आणि आरबीआयच्या मार्गदर्शक तत्त्वांनुसार ते स्टोअर करा.
 
तुमच्या बँक खात्याशी नोंदणीकृत मोबाइल क्रमांकावर OTP पाठवला जाईल, OTP प्रविष्ट करा आणि टोकनसाठी कार्ड तपशील पाठविला जाईल.
 
टोकन व्यापाऱ्याला पाठवले जाईल आणि तो त्याच्या जागी कार्ड तपशील संग्रहित करेल.
 
पुढील वेळी तुम्ही त्याच ई-कॉमर्स प्लॅटफॉर्म किंवा व्यापारी वेबसाइटला भेट देता तेव्हा, संग्रहित कार्डचे फक्त शेवटचे चार अंक दिसतील.
 
या चार अंकी डिस्प्लेचा अर्थ असा आहे की तुमच्या कार्डचे टोकन त्या साइटवर सेव्ह केले आहे आणि त्यावर क्लिक करून तुम्ही पेमेंट करू शकता. 

Edited by : Smita Joshi