S Venkitaramanan: आरबीआयचे माजी गव्हर्नर एस व्यंकटरमणन यांचे निधन
S Venkitaramanan भारतीय रिझर्व्ह बँकेचे (RBI) माजी गव्हर्नर एस व्यंकटरमणन यांचे शनिवारी सकाळी दीर्घ आजाराने निधन झाले. ते 92 वर्षांचे होते. वेंकटरामनन हे RBI चे 18 वे गव्हर्नर होते आणि 1990 ते 1992 पर्यंत त्यांनी हे पद भूषवले होते. 1985 ते 1989 या काळात त्यांनी वित्त मंत्रालयात वित्त सचिव म्हणूनही काम केले. त्यांच्या पश्चात त्यांच्या दोन मुली गिरिजा आणि सुधा असा परिवार आहे. त्यांची मुलगी गिरिजा वैद्यनाथनक या तामिळनाडूच्या माजी मुख्य सचिव होत्या.
एस वेंकटरामनन यांचा जन्म 1931 मध्ये नागरकोइल येथे झाला, जो त्यावेळच्या त्रावणकोर संस्थानाचा भाग होता. देशासमोर पेमेंटचे गंभीर संकट असताना त्यांनी देशाच्या मध्यवर्ती बँकेचा कार्यभार स्वीकारला.
वेंकटरामनन यांच्या कार्यकाळाचे आपल्या वेबसाइटवर वर्णन करताना, आरबीआयने म्हटले की, 'त्यांच्या कार्यकाळात देशाला जागतिक आघाडीवर अडचणींचा सामना करावा लागला. त्यांच्या व्यवस्थापनाने देशाला पेमेंट संतुलनाच्या संकटातून बाहेर काढले. त्यांच्या कार्यकाळात, भारताने आयएमएफचा स्थिरीकरण कार्यक्रम स्वीकारला, जिथे रुपयाचे अवमूल्यन झाले आणि आर्थिक सुधारणा कार्यक्रम सुरू केले गेले.
