बुधवार, 8 फेब्रुवारी 2023
  1. मराठी बातम्या
  2. अर्थजगत
  3. वाणिज्य वृत्त
Written By
Last Modified सोमवार, 31 मे 2021 (11:36 IST)

देशात पेट्रोलच्या दरानं गाठली उच्चांकी, केला रेकॉर्डब्रेक, मुंबईत पेट्रोल किंमत 100.47

देशात पेट्रोल -डिझेलच्या किंमतीनं नवा उच्चांक गाठला आहे. आज सरकारी तेल कंपन्यांकडून पेट्रोल आणि डिझेलच्या दरात वाढ झाली आहे. आज डिझेलच्या दरात 24 ते 28 पैसे वाढ झाली आहे, तर पेट्रोलच्या किंमतीही 28 ते 29 पैशांवर पोचल्या आहेत. मुंबईतील पेट्रोलची किंमत 100 रुपयांच्या पुढे गेली आहे. त्यानंतर आज मुंबईत पेट्रोल किंमत 100.47 इतकी झाली आहे.
 
मुंबईत आज प्रति लिटरसाठी ग्राहकांना 100.47 असे पैसे मोजावे लागत आहेत. एनआयए या वृत्तसंस्थेनं ही माहिती दिली आहे. डिझेलच्या किंमतीने देखील नवा उच्चांकी आकडा गाठला आहे. मुंबईत डिझेलचे दर (Diesel price) 92. 45 रुपये आहे.
 
दिल्लीत पेट्रोलसाठी 94.23 तर डिझेलसाठी 85.15 रुपये मोजावे लागत आहेत. याव्यतिरिक्त मध्यप्रदेशच्या अनूपनगरमध्ये 104.94 पेट्रोल आणि डिझेल 96.03 ला मिळत आहेत. चेन्नई - पेट्रोल 95.76 रुपये डिझेल 89.90 रुपये तर  कोलकात्ता येथे पेट्रोल 94 रुपये, डिझेल 88 रुपये किंमतीत मिळत आहे.
 
दररोज सहा वाजता किंमत बदलते
दररोज सकाळी सहा वाजता पेट्रोल आणि डिझेलच्या किंमती बदलतात. नवीन दर सकाळी 6 वाजल्यापासून लागू होतील. पेट्रोल आणि डिझेलच्या किंमतीत अबकारी शुल्क, डीलर कमिशन आणि इतर गोष्टी जोडल्यानंतर त्याची किंमत जवळजवळ दुप्पट होते.
 
या मानकांच्या आधारे तेल कंपन्या दररोज पेट्रोल दर आणि डिझेल दर निश्चित करण्याचे काम करतात. डीलर म्हणजे पेट्रोल पंप चालवणारे लोक. ग्राहकांना कर आणि त्यांचे स्वतःचे मार्जिन जोडल्यानंतर ते किरकोळ दराने ग्राहकांना स्वत: विकतात. पेट्रोल दर आणि डिझेल दरामध्येही ही किंमत जोडली जाते.
 
आपल्या शहरातील किंमत किती आहे ते जाणून घ्या
एसएमएसद्वारे पेट्रोल आणि डिझेलची किंमत जाणून घेता येतात. इंडियनऑयलच्या वेबसाइटनुसार आपल्याला आरएसपी आणि आपला शहर कोड लिहावा लागेल आणि त्या क्रमांकावर 9224992249 क्रमांकावर पाठवावा लागेल. प्रत्येक शहरासाठी कोड भिन्न आहे, जो आपल्याला आयओसीएल वेबसाइटवरून मिळेल.