'वन्स अ ईअर' मध्ये निपुणचे सहा वेगळे लुक्स

बराच काळ अभिनयापासून दूर राहिलेला निपुण या वेबसिरीजच्या निमित्ताने आपल्या समोर येत आहे. यात निपुणचा अठरा ते तेवीस वर्षांपर्यंतचा प्रवास दाखवला असून त्याचे सहा वेगळे लुक्स यात आपल्याला पाहायला मिळतील. या लुक्सबाबतचाच एक मजेदार किस्सा निपुणने शेअर केला आहे. तो म्हणतो, ''या सहा वर्षांच्या कालावधीत माझे सहा वेगळे लुक्स दाखवण्यात आले आहेत. शिवाय ते नैसर्गिक दिसणेही तितकेच महत्वाचे होते. त्यामुळे शुटिंगचे शेड्युलही तसेच केले होते. आधी दाढी, मग मिशी आणि शेवटी तुकतुकीत दाढी (क्लीन शेव्ह) अशा क्रमाने चित्रीकरण करण्यात आले. ज्यावेळी माझा शेवटचा लूक केला तेव्हा मी स्वतःला बघून घाबरलोच. कारण बऱ्याच काळात मी स्वतःला असे बघितले नव्हते. 

त्यामुळे मलाच एक भीती होती मी स्क्रीनवर कसा दिसेन? मात्र मंदारला माझा हाच लूक हवा होता. या भूमिकेसाठी मी वजनही कमी केले. विशेष म्हणजे या वजन कमी करण्याच्या प्रक्रियेत मी एकदाही वजन तपासले नाही. माझे आठ- दहा वर्षांपूर्वीचे काही कपडे मी ठेवले होते. जे मला आता व्हायला लागले, यावरून मला कळले, की माझे वजन कमी झाले आणि आवर्जून सांगावी अशी एक गोष्ट म्हणजे या काळात मला हे सुद्धा नव्याने कळले, की माझ्या बायकोला डाएटचे पदार्थ इतके छान बनावता येतात.'' 

सहा भागांची 'वन्स अ ईअर' ही वेबसिरीज तुम्हाला एमएक्स प्लेयरवर विनामूल्य पाहता येईल.