वयाच्या 29 व्या वर्षी क्रिकेटपटूचं हृदयविकाराच्या झटक्याने निधन,क्रिकेट जगात शोककळा

भारतीय अंडर -19 संघाचे माजी कर्णधार अवि बरोट यांचे वयाच्या29 व्या वर्षी हृदयविकाराच्या झटक्याने निधन झाले. सौराष्ट्र क्रिकेट बोर्डाने (एससीए) त्याच्या मृत्यूची माहिती दिली. त्यांनी हरियाणा आणि गुजरातचेही प्रतिनिधित्व केले होते आणि यावर्षी त्यांनी टी -20 क्रिकेटमध्ये तुफानी शतक झळकावले. 2019-20 च्या हंगामात रणजी करंडक जिंकणाऱ्या सौराष्ट्र संघाचे ते सदस्य होते,त्यांनी बंगालला पराभूत करून विजेतेपद पटकावले. त्यांनी सौराष्ट्रसाठी 21 रणजी ट्रॉफी सामने, 17 लिस्ट-ए आणि 11 घरगुती टी -20 सामने खेळले. एससीएचे अध्यक्ष जयदेव शहा यांनी अवि बरोट यांच्या निधनाबद्दल शोक व्यक्त करताना म्हटले आहे की, "सौराष्ट्र क्रिकेट संघातील प्रत्येकजण सौराष्ट्रातील प्रख्यात क्रिकेटपटू अवि बरोट यांच्या अकाली निधनाने दु: खी आहे. हृदयविकाराच्या झटक्याने 15 ऑक्टोबर 2021 च्या संध्याकाळी त्यांचे निधन झाले.  

माजी भारतीय क्रिकेटपटू वसीम जाफरसह अनेक क्रिकेटपटूंनी त्यांच्या निधनाबद्दल शोक व्यक्त केला आहे. 2011 मध्ये ते बीसीसीआयचे सर्वोत्तम क्रिकेटपटू होते.

अवी बारोटने या वर्षाच्या सुरुवातीला सय्यद मुश्ताक अली करंडकात 11 चौकार आणि 7 षटकारांच्या मदतीने 53 चेंडूत 122 धावांचे शतक केले. या उत्कृष्ट डावाच्या जोरावर संघाने 215 धावा केल्या होत्या. सौराष्ट्रने हा सामना 90 धावांनी जिंकला. त्यांच्या अकाळी निधनाने संपूर्ण क्रिकेट जगतात शोककळा पसरली आहे.