शुक्रवार, 29 मार्च 2024
  1. मराठी बातम्या
  2. क्रिकेट मराठी
  3. क्रिकेट वृत्त
Written By
Last Modified: शुक्रवार, 7 ऑक्टोबर 2022 (16:27 IST)

IND-W vs PAK-W T20 : भारतीय महिला संघाचा आशिया कपमध्ये पाकिस्तान कडून पहिला पराभव

महिला आशिया चषक स्पर्धेत पाकिस्तानने भारताचा 13 धावांनी पराभव केला. पाकिस्तानने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना 20 षटकांत 6 बाद 137 धावा केल्या. प्रत्युत्तरात भारतीय संघ 19.4 षटकांत 124 धावांत सर्वबाद झाला. आशिया चषकाच्या इतिहासात पाकिस्तानविरुद्ध भारतीय महिला संघाचा हा पहिलाच टी-20 पराभव आहे.
 
आशिया चषक स्पर्धेत भारतीय महिला संघाचा पाकिस्तानविरुद्ध 13 धावांनी पराभव झाला आहे. सध्या सुरू असलेल्या आशिया चषक स्पर्धेतील हा त्याचा पहिला पराभव आहे. यापूर्वी भारताने त्यांचे शेवटचे तीन सामने जिंकले होते. प्रथम फलंदाजी करताना पाकिस्तानने 20 षटकांत 6 बाद 137 धावा केल्या. प्रत्युत्तरात भारतीय संघ 19.4 षटकांत 124 धावांत सर्वबाद झाला. आशिया चषकाच्या इतिहासात पाकिस्तानविरुद्ध भारतीय महिला संघाचा हा पहिलाच टी-20 पराभव आहे. त्याचबरोबर टी-20 क्रिकेटमधला हा तिसरा पराभव आहे. याआधी दोन्ही पराभव टी-20 विश्वचषकात झाले होते. 2012 मध्ये श्रीलंकेतील गाले आणि 2016 मध्ये दिल्ली येथे पराभव झाला होता. दोन्ही सामन्यात मिताली राज कर्णधार होती. अशाप्रकारे, हरमनप्रीत कौरच्या नेतृत्वाखाली भारतीय संघ पहिल्यांदाच पाकिस्तानकडून टी-20 सामना हरला.

Edited By - Priya Dixit