गुरूवार, 28 मार्च 2024
  1. मराठी बातम्या
  2. क्रिकेट मराठी
  3. क्रिकेट वृत्त
Written By
Last Modified: रविवार, 5 फेब्रुवारी 2023 (11:16 IST)

Vinod Kambli Controversy: माजी क्रिकेटपटू विनोद कांबळी विरोधात एफआयआर दाखल

माजी क्रिकेटपटू विनोद कांबळी पुन्हा एकदा वादाच्या भोवऱ्यात अडकले  आहे. यावेळी पत्नी अँड्रिया त्यांच्या  विरोधात उभी राहिली आहे. अँड्रियाच्या तक्रारीवरून मुंबईतील वांद्रे पोलीस ठाण्यात कांबळीविरुद्ध एफआयआर दाखल करण्यात आला आहे. कांबळी यांनी पत्नी अँड्रिया यांना  शिवीगाळ केल्याचे तक्रारीत म्हटले आहे. एवढेच नाही तर दारूच्या नशेत त्यांनी पत्नीलाही मारहाण केली आहे. याप्रकरणी अद्याप कोणालाही अटक करण्यात आली नसल्याचे मुंबई पोलिसांनी सांगितले.
 
वांद्रे पोलिसांनी दिलेल्या माहितीनुसार, कांबळी विरुद्ध  एफआयआर नोंदवण्यात आला आहे. कांबळीवर मद्यधुंद अवस्थेत पत्नीला मारहाण  केल्याचा आरोप असून मद्यधुंद अवस्थेत मुलांना शिवीगाळ केली.
 
मिळालेल्या माहितीनुसार, कांबळी रात्री मद्यधुंद अवस्थेत घरी आले .त्यांनी केवळ पत्नीलाच मारहाण केली नाही, तर मुलालाही शिवीगाळ केली. 12 वर्षाच्या मुलाने कांबळी यांना सावरण्याचा प्रयत्न केला, पण त्यांनी मुलाला शिवीगाळ करून नंतर पत्नीला मारहाण केली. मात्र, हे प्रकरण मिटवले जात असल्याचे त्यांची पत्नी अँड्रियाने म्हटले आहे.
 
पोलिसांनी दिलेल्या माहितीनुसार, प्राणघातक हल्ल्याच्या घटनेनंतर अँड्रिया आधी भाभा हॉस्पिटलमध्ये गेली होती. त्यानंतर तिने गुन्हा दाखल करण्याचा निर्णय घेतला आणि पोलीस ठाणे गाठले. तेथे त्यांनी पोलिसांना घटनेची माहिती दिली आणि एफआयआर नोंदविला.
 
माजी क्रिकेटपटू  विनोद कांबळीने भारतासाठी एकूण 104 एकदिवसीय सामने आणि 17 कसोटी सामने खेळले. यादरम्यान त्यांनी  एकूण 3,561 धावा केल्या. यामध्ये एकूण सहा शतकांचा समावेश आहे. त्यांनी  कसोटीत चार शतके आणि एकदिवसीय क्रिकेटमध्ये दोन शतके झळकावली. 1991 मध्ये आपल्या कारकिर्दीला सुरुवात करणाऱ्या कांबळीने अवघ्या नऊ वर्षात आपली कारकीर्द संपवली. त्यांनी  शेवटचा सामना 2000 मध्ये खेळला, 
Edited By - Priya Dixit