रात्रीच्या वेळेस चालतांना आकाशात चंद्र देखील आपल्यासोबत चालत आहे असे का वाटते? यामागील विज्ञान जाणून घ्या....
तुम्हाला कधी ना कधी असा प्रश्न पडला असेलच की, चंद्र आपल्यासोबत का फिरतो? आपण धावलो तर चंद्रही धावतो आणि आपण चाललो तर चंद्रही चालतो. तसेच रस्त्यावरून चालताना किंवा रात्री गाडीतून प्रवास करताना चंद्र आपल्यासोबत फिरत आहे असे तुम्हाला कधी जाणवले आहे का? तुम्ही चालत राहता, पण चंद्र आकाशात जवळपास त्याच जागी राहतो, तरीही तो आपल्यासोबत फिरत आहे असे वाटते. जणू काही तो आपला पाठलाग करत आहे असे वाटते. तथापि, प्रत्यक्षात चंद्र आपल्यासोबत फिरत नाही. याचे कारण म्हणजे अंतरातील फरक आणि आपल्या डोळ्यांचा दृष्टिकोन. चला, तर जाणून घेऊया यामागील विज्ञान......
चंद्र पृथ्वीपासून अंदाजे ३,८४,४०० किलोमीटर दूर आहे. नासाच्या मते, हे अंतर म्हणजे जणू काही ३० ग्रह एकमेकांच्या मागे ठेवण्याइतके आहे. मात्र, चंद्र आपली जागा अजिबात बदलत नाही.
आता, जेव्हा तुम्ही रस्त्यावर काही मीटर किंवा काही किलोमीटर पुढे जाता, तेव्हा तुमच्या आजूबाजूची झाडे, घरे, विजेचे खांब आणि इतर वस्तू वेगाने आपली जागा बदलत असल्याचे दिसतात. चंद्राच्या तुलनेत, तुमचा प्रवास खूपच लहान असतो.
तसेच तुम्ही एका गाडीत बसला आहात आणि तुमच्या आजूबाजूला झाडे आहे. जसजशी गाडी पुढे जाते, तसतशी जवळची झाडे वेगाने मागे सरकताना दिसतात, तर थोड्या अंतरावरील इमारती हळूहळू सरकताना दिसतात. पण जर तुम्ही दूरवर आकाशातील एखादा डोंगर किंवा चंद्र पाहिलात, तर दृश्य वेगळे असेल.
चंद्र खरोखर तुमच्यासोबत फिरत नाही
तुम्ही एका ठिकाणाहून दुसऱ्या ठिकाणी गेलात, तर चंद्राचा वेग तुमच्या वेगाशी जोडलेला नसतो. शिवाय, चंद्राला पृथ्वीभोवती एक प्रदक्षिणा पूर्ण करण्यासाठी अंदाजे २७ ते २८ दिवस लागतात. त्यामुळे, तो अनेक दिवस एकाच जागी राहतो.
मग झाडे आणि घरे मागे का राहतात?
याचे कारण अंतर आहे, आणि चंद्र सर्वात दूर आहे. जरी आपण जगाच्या एका टोकापासून दुसऱ्या टोकापर्यंत प्रवास केला, तरी चंद्र आपल्या जागेवरून गायब होणार नाही. मात्र, झाडे आणि घरे लांबचा प्रवास केल्यावर गायब होतील.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
ALSO READ: तुम्हाला माहित आहे का? ढगफुटी पर्वतीय प्रदेशातच का होते! यामागे काय कारण आहे चला तर जाणून घ्या....
