Hand arthritis संधिवात हात आणि बोटांमध्ये देखील होऊ शकतो, लक्षण आणि उपचार जाणून घ्या

Download

Publish: Thu, 12 Oct 2023 (09:09 IST) Updated: Thu, 12 Oct 2023 (09:16 IST)

Hand arthritis : सांधेदुखीची समस्या जागतिक स्तरावर झपाट्याने वाढत आहे. त्याचा धोका तरुणांमध्येही दिसून येत आहे. सांध्यातील या समस्येमुळे, लोकांना सामान्यपणे चालणे आणि नित्याची साधी कामे करणे देखील कठीण होते.सामान्यतः असे मानले जाते की सांधेदुखीमुळे फक्त गुडघ्यांमध्ये वेदना आणि सूज येते, परंतु तुम्हाला माहित आहे का की हा त्रास हातांना देखील होऊ शकतो.

सांधेदुखीच्या काही परिस्थितींमध्ये हात, मनगट आणि बोटांना दुखणे आणि सूज येणे हे वैशिष्ट्य आहे. ऑस्टियोआर्थराइटिस, संधिवात आणि सोरायटिक संधिवात मध्ये हात अधिक प्रभावित होऊ शकतात. हाताच्या सांधेदुखीमुळे वस्तू पकडणे, लिहिणे आणि उचलणे वेदनादायक असू शकते.हातातील सांधेदुखीची समस्या आणि त्याची लक्षणे आणि उपचार काय आहे जाणून घेऊ या.

सांधेदुखीची समस्या पायाप्रमाणेच हातालाही संधिवात समस्या असू शकते. डॉक्टरांच्या म्हणण्यानुसार, हातामध्ये अनेक सांधे आहेत ज्यामुळे संधिवात होण्याचा धोका असू शकतो.उपचार न केल्यास, कालांतराने ते अधिक गंभीर होण्याचा धोका देखील असू शकतो. 

हातातील सांधेदुखीची लक्षणे-

हातालाही संधिवात होण्याच्या समस्येमुळे तीव्र वेदना आणि सूज येते. यामध्ये सकाळी हात दुखणे आणि जडपणा अधिक दिसून येतो. हाताच्या सांधेदुखीची समस्या बोटांच्या सांध्यांमध्ये किंवा मनगटात असू शकते. अशी लक्षणे दिसल्यास त्यावर विशेष लक्ष देणे आवश्यक आहे.

* वेदनांमुळे काहीही उचलण्यात अडचण येणे. 

* बोटांची उघड बंद करण्यात अडचण येणे.

* प्रभावित भागात तीव्र वेदनासह सूज आणि लालसरपणा कायम राहणे. 

*  लिहिताना किंवा संगणकावर टायपिंग करतानाही तीव्र वेदना जाणवणे.

हातातील सांधेदुखीचे निदान आणि उपचार-

जीवनशैली योग्य ठेवण्यासाठी नियमित योगा-व्यायामाची सवय लावा, धूम्रपान टाळा. काही काळ टिकणाऱ्या दुखण्याला हलके घेऊ नका आणि त्यावर वेळीच उपचार करा.

लक्षणे नियंत्रित करण्यात आणि वेदना कमी करण्यात मदत करण्यासाठी थेरपी आणि औषधे यांचा समावेश होतो.

Edited by - Priya dixit