घसा खवखवत आहे, हे घरगुती उपाय अवलंबवा
सतत खोकला आणि घसा खवखवणे यासारख्या समस्या अगदी सामान्य झाल्या आहेत.हवामानात बदल झाल्यावर देखील घशाचे त्रास उदभवतात.
घसादुखीसाठी बाजारात अनेक प्रकारची औषधे आणि सिरप उपलब्ध आहेत, ज्याचा वापर केल्याने तुम्हाला तात्काळ आराम मिळतो, परंतु जर तुम्हाला हवे असेल तर काही घरगुती उपाय करूनही तुम्ही या समस्येपासून आराम मिळवू शकताचला तर मग जाणून घेऊ या.
आले आणि मधाचे सेवन:
घसादुखीपासून आराम मिळवण्यासाठी आल्याचा तुकडा चघळवा किंवा गरम पाण्यात उकळा आणि नंतर त्यात मध मिसळून प्या. आल्यामध्ये अँटी-इंफ्लेमेटरी गुणधर्म असतात, जे घसा खवखवणे कमी करण्यास मदत करतात.
वाफ घ्या:
गरम पाण्यात निलगिरीचे तेल घालून वाफ घ्या. यामुळे घशाला आराम मिळतो आणि श्लेष्माही साफ होतो. वाफ घेतल्याने इतर अनेक समस्यांपासूनही आराम मिळेल
कोमट पाण्याने गुळणी करा :
जर तुम्हाला घसादुखीचा त्रास होत असेल तर कोमट पाण्यात चिमूटभर मीठ घालून दिवसातून 2-3 वेळा गुळणी करा. घशातील सूज आणि खवखव कमी करण्यासाठी हे उपयुक्त आहे.
हळदीचे दूध :
रात्री झोपण्यापूर्वी हळदीचे दूध प्यायल्याने घसादुखीपासून आराम मिळतो. हळदीमध्ये अँटी-बॅक्टेरियल आणि अँटी-इंफ्लेमेटरी गुणधर्म असतात. अशा परिस्थितीत, आपण देखील वापरू शकता.
कोमट पाणी -
घसा खवखवत असल्यास कोमट पाणी प्या. जेणे करून घसा शेकला जाईल आणि आराम मिळेल.
काळीमिरी आणि तुळशीचा चहा -
घसा खवखवत असल्यास तुळशी आणि काळीमिरीचा चहा प्या असं केल्याने घसा खवखवण्यापासून आराम मिळतो.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे. या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By - Priya Dixit
