मुळांच्या या भाज्या व्हिटॅमिन आणि अँटीऑक्सिडंटने समृद्ध आहे ,फायदे जाणून घ्या
शरीर निरोगी आणि तंदुरुस्त ठेवण्यासाठी, आहार तज्ञ सर्व लोकांना निरोगी आणि पौष्टिक आहार घेण्याचा सल्ला देतात .यामध्ये हंगामी फळे आणि भाज्यांचा समावेश करणे अत्यंत आवश्यक मानले जाते. ते केवळ पोषक तत्वांनी समृद्ध नसतात, परंतु शरीर निरोगी ठेवण्यासाठी देखील त्यांची विशेष भूमिका असते.
हिरव्या पालेभाज्यांसह मुळाच्या भाज्यांचे सेवन करणे देखील खूप फायदेशीर असल्याचे म्हटले आहे. त्यांचा आहारात समावेश केल्यास अनेक गंभीर आजारांचा धोका कमी होण्यास मदत होऊ शकते, असे तज्ज्ञांचे म्हणणे आहे.
मुळांच्या भाज्यांमध्ये भरपूर फायबर आणि अँटिऑक्सिडंट असतात तसेच कॅलरी, फॅट आणि कोलेस्ट्रॉल कमी असतात. मुळांच्या भाज्या कॅरोटीनॉइड्सचा उत्कृष्ट स्त्रोत मानला जातो, नैसर्गिकरीत्या रंगद्रव्येमुळे विशिष्ट प्रकारच्या कर्करोगाचा धोका कमी होतो. डोळे, हृदय आणि रक्तवाहिन्या निरोगी ठेवण्यासाठी मुळांच्या या भाज्यांचे सेवन करणे फायदेशीर ठरू शकते. शरीराला तंदुरुस्त आणि निरोगी ठेवण्यासाठी पुरेशा प्रमाणात पोटॅशियम, फोलेट, कॉम्प्लेक्स कार्बोहायड्रेट, जीवनसत्त्वे ए, बी, आणि सी सोबत मॅंगनीजची दररोज गरज असते. या भाज्यांमुळे ती कमतरता दूर करता येते . चला या भाज्यांचे आरोग्यदायी फायदे जाणून घेऊया.
1 गाजर - ही सर्वात फायदेशीर मूळ भाज्यांपैकी एक मानली जाते, ती सहज उपलब्ध असते आणि शरीरासाठी अनेक प्रकारे फायदेशीर ठरू शकते. गाजरात बीटा कॅरोटीन असते ज्यामुळे ते खूप फायदेशीर ठरते. शरीराच्या आत, बीटा कॅरोटीन व्हिटॅमिन ए मध्ये रूपांतरित होते. तुमचे डोळे निरोगी ठेवण्यासोबतच रोगप्रतिकारक शक्ती मजबूत ठेवण्यासाठी व्हिटॅमिन ए देखील आवश्यक आहे.
2 बीटरूट - शरीरात लोहाची कमतरता असो किंवा रक्तदाबाची समस्या असो, बीटरूट खाणे तुमच्यासाठी विशेषतः फायदेशीर ठरू शकते . बीटरूटमध्ये बिटाईन नावाचे अँटीऑक्सिडेंट असते, जे हृदय निरोगी ठेवण्यास आणि अनेक प्रकारच्या गंभीर आजारांचा धोका कमी करण्यास मदत करते. बीटरूटमध्ये नायट्रेट्स देखील असतात जे चांगले रक्त परिसंचरण आणि रक्तदाब कमी करण्यास मदत करतात.
3 बटाटा- बटाटा ही सर्वात लोकप्रिय मूळ भाज्यांपैकी एक आहे. एक मध्यम आकाराचा शिजवलेला बटाटा 935 मिलीग्राम पोटॅशियम देऊ शकतो. हे केळीमध्ये आढळणाऱ्या पोटॅशियमच्या दुप्पट आहे. बटाटे हे व्हिटॅमिन-सी आणि बी 6 चा देखील चांगला स्रोत आहे, याचे सेवन केल्याने तुम्हाला अनेक आरोग्य फायदे मिळू शकतात. बटाट्यामध्ये अँटिऑक्सिडंट्स देखील आढळतात, जे अनेक रोगांचा धोका कमी करण्यास मदत करतात.
