जास्त ताणू नका , लाईटली घ्या
प्रत्येकांनी एकमेकाला
थोडं समजून घ्या
खूप जास्त ताणू नका
सगळेच लाईटली घ्या ll
थोडं फार मागे पुढे
होतच असतं
शंभर टक्के perfect
कुणीच नसतं ll
माणुसकीही सर्वांकडे
असलीच पाहिजे
वागण्यातून नम्रता
दिसलीच पाहिजे ll
छोट्या छोट्या गोष्टी वरून
कशाला करायचं बंड
आपण गोड बोललं की
समोरचा होतो थंड ll
कधी कधी सारा विषय
फारच क्षुल्लक असतो
माणूस मात्र विनाकारण
टेंन्शन मध्ये बसतो ll
कसाही प्रसंग असला तरी
राहिलं पाहिजे शांत
आपल्या सहनशीलतेचा
होऊ देऊ नये अंत ll
घर असो , ऑफिस असो
वा असो Whats app
भेटून घ्या , बोलून घ्या
पडू देऊ नका gap ll
भाषा असली स्वीट
की सगळं होतं नीट
कुणाचाच कुणाला
येत नाही वीट ll
झालं गेलं विसरून जा
घ्या हातात हात
निमित्ताने भेटलो आपण
द्या हासून साथ ll
