जीवन खूप सुंदर आहे
केसांचा थोडा भांग विस्कटू दे, चश्म्यावर थोडी धूळ असू दे
पळताना बुटाची नाडी सुटू दे, डावीकडून इन शर्ट बाहेर येऊ दे, काही बिघडत नाही !
भाजीत जास्त मीठ पडू दे, बघून आणलेला नारळ कुजू दे,
उठायला थोडा उशीर होऊ दे, नाटकाला थोडी डुलकी लागू दे, काही बिघडत नाही !
बोलताना मित्राचं नाव विसरू दे, बायकोनं सांगितलेलं काम राहू दे,
गाडीतलं कधी पेट्रोल संपू दे, मोबाईल फोन जरा बंद पडू दे, काही बिघडत नाही !
लिहिताना पेनाची शाई संपू दे, चित्रातला रंग थोडा बाहेर जाऊ दे
वहीचं एखादं पान फाटू दे, गाताना एखादी तान चुकू दे, काही बिघडत नाही !
काय वाट्टेल ते होऊ दे पण आपल्याच चुकण्यावर, फसण्यावर हसायची ताकद असू दे,
मग . . . . . . . . . . . . . . . . . खरंच काहीच बिघडतच नाही!!
जीवन खूप सुंदर आहे
