सोमवार, 3 ऑक्टोबर 2022
  1. लाईफस्टाईल
  2. बाल मैफल
  3. बालगित
Written By
Last Modified गुरूवार, 19 मे 2022 (15:56 IST)

अश्शी सुट्‌टी सुरेख बाई

अश्शी सुट्‌टी सुरेख बाई
हिरवळ दाटे चोहीकडे !
वहया-पुस्तके-दप्‍तरबिप्‍तर
नाही आठवत कुठे पडे !
 
अश्शी सुट्‌टी सुरेख बाई
सूर्यच उशिराने उठतो
डोळे उघडून बघते मी, तर
"चल गप्पा मारु" म्हणतो !
 
अश्शी सुट्‌टी सुरेख बाई
चंगळ होते खाण्याची
सुस्ती येता होऊन जाते
टंगळमंगळ कामाची
 
अश्शी सुट्‌टी सुरेख बाई
हवेत येई गंमतजंमत
किती खेळलो तरी आपले
हात-पाय नाही दमत-थकत
 
अश्शी सुट्‌टी सुरेख बाई
पंख फड्‌फड्‌त उडून जाते
माझ्या हाती आठवणींची
रंगित रंगित पिसे ठेवते !