व्हाट्सपची काठी ! म्हातारपणी मिळाली

मेसेज होतात वरखाली !

कुणाचा वाढदिवस आहे ?

कोण आजारी आहे ?

कोण चाललंय परदेशात 

अन काय घडतंय देशात ?

कधी लताची जुनी गाणी तर 

कधी शांताबाई ची कविता ! 

बसल्या बसल्या डुलकी लागते

कधी एखादी गझल समोर येते !  

टीव्ही वरच चॅनेल सुद्धा 

हल्ली बदलत नाही 

व्हाट्सउप शिवाय आमचं

पान जरा सुद्धा हलत नाही !!

वय जरी होत चाललं

हातपाय जरी थोडे थकले !

तरी व्हाट्सउपच्या औषधाने

मन मात्र रिलॅक्स झाले !! 

आता फार काळजी करत नाही

आता चिडचिड सुद्धा होत नाही !

व्हाट्सउप चा मित्र भेटल्या पासून

आता मनात सुद्धा रडत नाही !! 

आनंदी कसे  जगायचेे याचे 

आता कळले आहे तंत्र !!

व्हाट्सउप च्या या जादूच्या

काठी ने दिला सुखाचा मंत्र !!