मासिक पाळी आल्यानंतर कोणता योग्य आहार घ्यावा आणि कोणता टाळावा?

हिरव्या पालेभाज्या आणि फळे: फायबर आणि जीवनसत्त्वांनी भरपूर असलेल्या भाज्या खाव्यात. फळांमध्ये केळी (यातील पोटॅशियम कँप्स कमी करते), टरबूज आणि संत्री खाणे फायदेशीर ठरते.

ड्राय फ्रूट्स आणि बिया : बदाम, अक्रोड आणि जवस  किंवा भोपळ्याच्या बिया खाव्यात. यामध्ये ओमेगा-३ फॅटी ॲसिड असते, जे स्नायूंचे दुखणे कमी करते.

हळदीचे दूध किंवा अद्रक चहा: रात्री झोपताना हळद घातलेले कोमट दूध प्यायल्याने अंगदुखी कमी होते आणि झोप छान लागते. आल्याचा चहा देखील पोटदुखीवर आराम देतो.

काय खाणे टाळावे? (अयोग्य आहार)

अति तिखट आणि मसालेदार अन्न: जास्त तिखट किंवा मसाल्यांचे पदार्थ खाल्ल्याने पोटात जळजळ होऊ शकते आणि गॅसचा त्रास वाढून उलट्या किंवा जुलाब होऊ शकतात.

जास्त मीठ असलेले पदार्थ: चिप्स, कुरकुरे, पापड, लोणचे किंवा पॅकबंद फूड खाणे टाळा. मिठामध्ये सोडियम असते, ज्यामुळे शरीरात पाणी साठून राहते आणि पोट जास्त फुगल्यासारखे वाटते.

कॅफिन (चहा/कॉफीचे अतिप्रमाण): पाळीच्या दिवसांत खूप जास्त चहा किंवा कॉफी पिणे टाळावे. कॅफिनमुळे डिहायड्रेशन होते आणि पोटदुखी वाढू शकते. दिवसातून १-२ कप ठीक आहे, पण अतिरेक टाळावा.

गोड आणि बेकरीचे पदार्थ : चॉकलेट, केक, बिस्किटे किंवा मैद्याचे पदार्थ खाल्ल्याने रक्तातील साखरेची पातळी अचानक वाढते आणि लगेच कमी होते. यामुळे मूड स्विग्ज (चिडचिड होणे) जास्त वाढतात.

थंड पेये आणि आईस्क्रीम: पाळीच्या दिवसांत अतिशय थंड पाणी, कोल्ड ड्रिंक्स किंवा आईस्क्रीम खाणे टाळावे. यामुळे गर्भाशयाच्या स्नायूंमध्ये आकुंचन वाढून वेदना तीव्र होऊ शकतात.

विशेष टीप (डार्क चॉकलेट): जर तुम्हाला या दिवसांत गोड खाण्याची तीव्र इच्छा  झाली, तर सामान्य चॉकलेटऐवजी डार्क चॉकलेट (Dark Chocolate) खा. यात मॅग्नेशियम आणि लोह असते, जे वेदना कमी करण्यास आणि मूड चांगला ठेवण्यास मदत करते. तसेच या दिवसांत हलका व्यायाम किंवा कोमट पाण्याने पोटाला शेक देणे देखील खूप आरामदायी ठरते. 

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik