साहित्य - अर्धी वाटी सुवासिक तांदळाची पिठी, एक वाटी गूळ, अर्धा नारळ खरवडून, वेलची पूड, चमचाभर खसखस भाजून पूड, मीठ.
कृती - सहा वाट्या पाणी उकळत ठेवावे. त्यात गूळ, खोबरे, चवीपुरते मीठ घालावे. तांदळाची पिठी थंड पाण्यात कालवावी. गॅसवरच्या पाण्याला उकळी आल्यावर कालवलेली पिठी त्यात हलके-हलके घालावी. मंद गॅसवर घाटले शिजू द्यावे. गुठळी होऊ नये याची काळजी घ्यावी. शिजल्यावर खसखस पूड, वेलची पूड घालावी. पाच मिनिटांत गॅस बंद करावा.
