सकाळच्या नाश्त्यामध्ये बनवा हे ५ आरोग्यदायी पदार्थ

२. मूग डाळ चिला – प्रथिनांचा खजिना
ज्यांना वजन कमी करायचे आहे किंवा रक्तातील साखर नियंत्रित ठेवायची आहे, त्यांच्यासाठी मूग डाळ चिला हा एक उत्तम पर्याय आहे. यामध्ये प्रोटीन आणि फायबर भरपूर प्रमाणात असते.

कसे बनवाल: मूग डाळ ३-४ तास पाण्यात भिजत घाला. नंतर मिक्सरमध्ये हिरवी मिरची, आले आणि जिरे घालून बारीक वाटून घ्या. या पिठात चवीनुसार मीठ, हळद आणि कोथिंबीर घाला. तव्यावर थोडे तेल किंवा तूप लावून डोशासारखे चिल बनवून घ्या. तुम्ही याच्या आत पनीरचे सारण (Stuffin) देखील भरू शकता.

३. ओट्स उपमा किंवा पॉरिज – फायबरने भरपूर
ओट्स हे आरोग्यासाठी खूप फायदेशीर मानले जातात, कारण ते कोलेस्टेरॉल कमी करण्यास आणि पोट जास्त वेळ भरलेले ठेवण्यास मदत करतात.

कसे बनवाल: तिखट पर्याय: नेहमीच्या रव्याच्या उपम्याऐवजी ओट्स हलके भाजून घ्या. कढईत मोहरी, कढीपत्ता, कांदा, गाजर, मटार घालून फोडणी तयार करा. त्यात ओट्स आणि पाणी घालून वाफेवर उपमा शिजवून घ्या. गोड पर्याय: ओट्स दुधात शिजवून त्यात मध, सफरचंद किंवा केळीचे तुकडे आणि सुका मेवा घालून ओट्स पॉरिज बनवू शकता.

४. व्हेजिटेबल इडली किंवा उत्तप्पा
दाक्षिणात्य पदार्थ हे 'फर्मेंटेड' (Fermented) म्हणजेच आंबवून बनवले जातात, जे आपल्या पचनसंस्थेसाठी (Gut Health) खूप चांगले असतात.
कसे बनवाल: इडली किंवा डोशाचे पीठ घेऊन त्यात भरपूर बारीक चिरलेला कांदा, टोमॅटो, गाजर, कोथिंबीर आणि हिरवी मिरची मिक्स करा. याचे छोटे-छोटे उत्तप्पे किंवा इडल्या बनवा. हा नाश्ता चवीला छान लागतो आणि लहान मुलेही भाज्या आवडीने खातात.

५. अंड्याची भुर्जी किंवा ऑम्लेट – झटपट आणि एनर्जी देणारा नाश्ता
जर तुम्ही अंडी खात असाल, तर सकाळच्या नाश्त्यासाठी हा सर्वात सोपा आणि हाय-प्रोटिन पर्याय आहे. अंडी खाल्ल्याने शरीराला दिवसभर काम करण्यासाठी भरपूर ऊर्जा मिळते.

कसे बनवाल: २ अंडी फेटून घ्या. कढईत थोडे तेल किंवा बटर गरम करून त्यात कांदा, टोमॅटो, हिरवी मिरची आणि कोथिंबीर परतून घ्या. त्यात हळद, तिखट आणि फेटलेली अंडी घालून छान भुर्जी तयार करा. ही भुर्जी तुम्ही गव्हाच्या चपातीसोबत किंवा ब्राऊन ब्रेडसोबत खाऊ शकता.

काही टिप्स-
नाश्त्यासोबत चहा किंवा कॉफी घेण्याऐवजी ताजी ताक, लिंबू पाणी किंवा फ्रेश ज्यूस पिणे जास्त फायदेशीर ठरते. नेहमी नाश्त्यामध्ये कमीत कमी तेल किंवा तुपाचा वापर करा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik