घरीच बनवा रेस्टॅरेंट सारखी बटर नान

साहित्य -

1 किलो मैदा, दीड चमचे ड्राय यीस्ट, 2 मोठे चमचे पिठी साखर, 1 मोठा चमचा मीठ, 2 कप दही, दीड कप कोमट पाणी.

कृती - 

सर्वप्रथम एका भांड्यात मैदा चाळून घ्या. मैद्यात यीस्ट, पिठी साखर आणि मीठ घालून मिसळून घ्या. या मध्ये दही घाला, पाणी कोमट करून घालून मऊसर कणीक मळून घ्या. आता या कणकेला किचन कट्ट्यावर मैदा भुरभुरून किमान 10 मिनिटे मळून घ्या. चांगल्या प्रकारे मळून झाल्यावर या कणकेला 2 तासासाठी भांड्यात घालून बाजूला ठेवून द्या. दोन तासानंतर आपण बघाल की कणीक फुगली आहे. या वर पुन्हा मैदा घालून मळून घ्या. या कणकेच्या गोळ्या बनवा किंवा सुरीच्या साहाय्याने 16 गोळ्या बनवून घ्या. असं केल्याने सर्व नान एक सारख्या बनतील आणि सर्व्ह करायला देखील चांगले होईल. 

आता एक गोळी घेऊन त्याला पोळी सारखे लाटून घ्या, जास्त पातळ नसावी. मंद आचेवर तवा किंवा पॅन ठेवून लाटलेली पोळी तेल न लावता दोन्ही बाजूने शेकून घ्या. ताटलीत नान ठेवून वरून लोणी लावा. बटर नान रोटी किंवा पोळी तयार आहे. आवडत्या भाजीसह सर्व्ह करा.