संबंधित माहिती
- Angarki Sankashti Chaturthi 2021 अंगारकी संकष्टी चतुर्थी महत्त्व आणि पूजा विधी
- नाशिक जिल्ह्यात मागील २४ तासात : जिल्ह्यात १०८ कोरोना मुक्त : ४२० कोरोनाचे संशयित : रुग्ण बरे होण्याचे प्रमाण ९७.५५ %
- नाशिकला जोरदार पावसाने झोडपले;२४ तासात गंगापूर धरणाच्या पाणी पातळीत १३ टक्के वाढ
- पालिकेचे अधिकारी-कर्मचारी २४ तास ड्युटीवर
- महाराष्ट्रात कोरोना विषाणूचे 8418 नवीन प्रकरण, 24 तासांत आणखी 171जणांचा मृत्यू
अंगारकी संकष्टी चतुर्थीसाठी २४ तास ऑनलाइन दर्शन
अंगारकी संकष्टी चतुर्थी निमित्त श्री सिद्धिविनायक गणपती मंदिर न्यासाने गणेशभक्तांना २४ तास ऑनलाइन दर्शनाची व्यवस्था केली आहे. कोविड-19 संसर्ग निर्बंध नियमावली नुसार गणेशभक्तांनी मंदिरात प्रवेश न करता घरातूनच श्री सिद्धिविनायकाचं दर्शन घ्यावं, अशी विनंती श्री सिद्धिविनायक गणपती मंदिर न्यासाचे अध्यक्ष, (राज्यमंत्री दर्जा) आदेश बांदेकर यांनी केली आहे.
श्री सिद्धिविनायक टेम्पल अॅप डाउलोड करून घरातूनच श्रींच्या दर्शनाचा व आरतीचा लाभ घ्या, असे आवाहन करण्यात आले आहे. तसेच, उद्या मंगळवार (दि.२७ जुलै) रोजी अंगारकी संकष्ट चतुर्थी निमित्त होणाऱ्या कार्यक्रमांची रुपरेषा देखील सांगण्यात आली आहे.
त्यानुसार, सोमवार मध्यरात्री १२.१० ते १२.२० श्रींची काकड आरती, मध्यरात्री १२.२०ते १.२० पर्यंत श्रींची महापूजा व अभिषेक, मंगळवार पहाटे ३.३० ते ४ वाजेपर्यंत श्रींची महाआरती, दुपारी १२.०५ ते १२.२० पर्यंत श्रींनी नैवेद्य, सायंकाळी ७ वाजता श्रींची धुपारती, रात्री ८.३० ते रात्री १० वाजेपर्यंत श्रींची महापूजा, नैवेद्य, महाआरती आणि रात्री १०.३० वाजता शेजारती नंतर मंदिर बंद होणार आहे.
