मुंबईत हिट अँड रन प्रकरण : कारने धडक दिल्याने 76 वर्षीय वृद्धाचा मृत्यू
मुंबईतील मुलुंड येथे मंगळवारी रात्री एका 76 वर्षीय वृद्धाचा भरधाव कारने धडक दिल्याने मृत्यू झाला. हिट अँड रन प्रकरणी कार चालकाला अटक करण्यात आल्याचे पोलिसांनी सांगितले. मुलुंड पोलिसांनी दिलेल्या माहितीनुसार, रात्री 8.45 वाजता अमरेश यादव या 22 वर्षीय तरुणाने आपली कार रस्त्याच्या कडेला पायी जात असलेल्या तुकाराम सावंत आणि जवळच असलेल्या स्कूटरस्वाराला धडक दिली.
त्यानंतर चालक गाडी सोडून पळून गेला. यात सावंत यांचा जागीच मृत्यू झाला, तर स्कूटर चालक गंभीर जखमी झाला. जखमीवर रुग्णालयात उपचार सुरू आहेत. अमरेश यादव यांच्याविरुद्ध भारतीय दंड संहिता आणि मोटार वाहन कायद्याच्या संबंधित कलमांखाली रॅश आणि निष्काळजीपणे वाहन चालवणे, दुखापत आणि मृत्यूचा गुन्हा दाखल करण्यात आला आहे.
