'दृश्यम' चित्रपट पाहिल्यानंतर प्लॅन बनवला, ट्रेनमध्ये मोबाईल ठेवला...भेटायला आलेल्या प्रेयसीची बॉयफ्रेंडने हत्या केली
Mumbai News: महाराष्ट्रातील वसईमध्ये एक हृदयद्रावक घटना उघडकीस आली आहे. येथे एका व्यक्तीने आपल्या प्रेयसीची हत्या करून तिचा मृतदेह नाल्यात फेकून दिला. दृश्यम चित्रपट पाहिल्यानंतर त्याने हत्येची योजना आखली होती.
मिळालेल्या माहितीनुसार उत्तर प्रदेशातील कुशीनगर जिल्ह्यातील कप्तानगंज येथून वसई येथे तिच्या प्रियकराला भेटण्यासाठी आलेल्या २५ वर्षीय तरुणीची २५ डिसेंबर रोजी गळा दाबून हत्या करण्यात आली. प्रियकराने तिची हत्या केली आणि मृतदेह नाल्यात फेकून दिला. हत्येनंतर, आरोपीने पुरावे नष्ट करण्याचा प्रयत्न केला, परंतु तो पकडला गेला.तसेच त्याने मुलीचा मोबाईल २ दिवस आपल्याकडे ठेवला आणि नंतर तो राजधानी ट्रेनच्या कचऱ्याच्या डब्यात टाकला. तथापि, त्याचे गुपित उघड झाले आणि पोलिसांनी त्याला अटक केली. 'दृश्यम' चित्रपट पाहिल्यानंतर त्याने हत्येची योजना आखली होती.
तसेच डीसीपी यांनी सांगितले की, मृत तरुणीचे आरोपी तरुणासोबत प्रेमसंबंध होते. आरोपी मूळचा उत्तर प्रदेशचा आहे. त्याच्या इथे दोन बेकरी आहे. दोघांनाही लग्न करायचे होते, पण आरोपीचे पालक तयार नव्हते. १६ डिसेंबर २०२४ रोजी, मृत तरुणी तिच्या आईवडिलांना सोडून गोरखपूर येथील तिच्या मामाच्या घरी जात असल्याचे सांगून निघून गेली. ती आरोपी तरुणाला भेटण्यासाठी वसईला आली. येथे त्यांनी वसई येथील सातिवली येथील साई रेसिडेन्सीमध्ये एक खोली बुक केली आणि दोघेही तिथे राहू लागले. लग्नाबाबत हॉटेलमध्ये दोघांमध्ये अनेक वेळा भांडणे झाली. प्रियाने पोलिस नियंत्रण कक्षाला दोन ते तीन वेळा फोनही केला. २५ डिसेंबर २०२४ च्या संध्याकाळी, आरोपीला तिला ख्रिसमसच्या बहाण्याने कामण येथील महाजनवाडी येथे घेऊन गेला. तिथे त्याने तरुणीचा गळा दाबून खून केला आणि मृतदेह नाल्यात फेकून दिला. त्याने मृत तरुणीचे सामान झुडपात फेकून दिले आणि मोबाईल स्वतःकडे ठेवला. यानंतर, २८ डिसेंबर रोजी, मोबाईल राजधानी ट्रेनच्या कचऱ्याच्या डब्यात ठेवण्यात आला.
यानंतर युनिट-३ चे वरिष्ठ पोलीस निरीक्षक आणि यांच्या टीम ने वसई येथून आरोपी तरुणाला अटक केली आणि त्याची कडक चौकशी केली, त्यानंतर त्याने आपला गुन्हा कबूल केला.
Edited By- Dhanashri Naik
