मुंबईहून गोरखपूरला जाणाऱ्या ट्रेनला ठाण्याजवळ आग, प्रवासी सुरक्षित
मुबंईतील लोकमान्य टिळक टर्मिनस येथून गोरखपूरकडे येणाऱ्या रेल्वेच्या डब्याला सोमवारी सकाळी आग लागली. या घटनेत एकही प्रवासी जखमी झाल्याचे वृत्त नाही. ठाणे जिल्ह्य़ाजवळ ही आग रेल्वेच्या एका चाकात ब्रेक बाइंडिंगमुळे लागल्याचे सांगण्यात येत आहे. ही आग तातडीने आटोक्यात आणण्यात आली.
गोरखपूरला जाणारी ही गाडी ठाणे जिल्ह्यातील ठाकुर्ली स्थानकावर थांबवण्यात आल्याचे अधिकाऱ्यांनी सांगितले. त्याच्या S-8 कोचमधील दोष नंतर दुरुस्त करण्यात आला. लोकमान्य टिळक टर्मिनसपासून ठाकुर्ली स्टेशन सुमारे 35 किलोमीटर अंतरावर आहे.
या घटनेनंतर प्रवाशांमध्ये भीतीचे वातावरण पसरले आहे. त्यांनी तत्काळ ट्रेनमधील रेल्वे कर्मचाऱ्यांना याची माहिती दिली. आग विझवल्यानंतर अवघ्या 20 मिनिटांत ही गाडी पुढे पाठवण्यात आली.
