Zika Virus Mumbai झिका विषाणूचा पहिला रुग्ण मुंबईत आढळला, BMC अलर्टवर
Zika Virus in Mumbai मुंबईत झिका विषाणूचे एक प्रकरण समोर आले आहे. मुंबईत राहणाऱ्या 79 वर्षीय वृद्धाला झिका व्हायरसची लागण झाली आहे. मात्र आता ते यातून पूर्णपणे सावरले आहे.
79 वर्षीय व्यक्तीला झिका विषाणूची लागण झाली होती
बृहन्मुंबई महानगरपालिकेने (BMC) बुधवारी ही माहिती दिली. बीएमसीने सांगितले की, 79 वर्षीय वृद्ध व्यक्तीला झिका व्हायरसची लागण झाल्याचे आढळून आले आहे. बीएमसीने म्हटले आहे की झिका संसर्ग हा स्वत: बरा होणारा आजार असल्याने लोकांनी घाबरून जाऊ नये.
रुग्ण बरा झाल्यानंतर डिस्चार्ज
बीएमसीने सांगितले की, पुणेस्थित नॅशनल इन्स्टिट्यूट ऑफ व्हायरोलॉजीने उपनगरातील चेंबूरमध्ये राहणाऱ्या या व्यक्तीला झिका विषाणूची लागण झाल्याची पुष्टी केली आहे. बीएमसीच्या म्हणण्यानुसार, त्या व्यक्तीला 19 जुलै 2023 रोजी ताप, नाक बंद होणे आणि खोकला यांसारखी लक्षणे आढळून आली आणि त्यांनी खाजगी प्रॅक्टिसमध्ये डॉक्टरांकडून लक्षणात्मक उपचार घेतले. रुग्ण बरा झाल्यानंतर 2 ऑगस्ट रोजी रुग्णालयातून डिस्चार्ज देण्यात आला.
रुग्णाच्या घराजवळ सर्वेक्षण केले
रुग्णाची 20 वर्षांपूर्वी अँजिओप्लास्टी झाली होती आणि त्यांना मधुमेह, रक्तदाब यासह इतर आजार आहेत. झिका विषाणूची लागण झालेली व्यक्ती स्वतःच बरी होते आणि 80 टक्के लोकांमध्ये त्याची कोणतीही लक्षणे दिसत नाहीत. बीएमसीने सांगितले की रुग्णाच्या घराच्या आजूबाजूच्या घरांमध्ये सर्वेक्षण केले गेले, परंतु आणखी प्रकरणे आढळली नाहीत.
