फुकेत-मुंबई विमानाच्या शौचालयात एका प्रवाशाने असे कृत्य केले ज्यामुळे घबराट पसरली

फुकेत-मुंबई विमानाच्या शौचालयात , एका प्रवाशाने असे कृत्य केले की सर्वजण घाबरून गेले. प्रवाशाने शौचालयात धूम्रपान केले आणि त्यामुळे निघणाऱ्या धुरामुळे प्रवाशांना असे वाटले की विमानाला आग लागली आहे.

मिळालेल्या माहितीनुसार शुक्रवारी रात्री, फुकेत-मुंबई विमानादरम्यान, प्रवाशांना शौचालयातून धूर येत असल्याचे दिसले. यामुळे घबराट पसरली. शौचालयातून धूर येत असल्याने प्रवाशांनी विमानाला आग लागल्याचे गृहीत धरले. परंतु प्रवासी घाबरला नाही आणि त्याने शौचालयात धूम्रपान सुरूच ठेवले.

छत्रपती शिवाजी महाराज आंतरराष्ट्रीय विमानतळावर विमान उतरल्यानंतर, प्रवाशाला अटक करण्यात आली. २५ वर्षीय तरुणाचे नाव भव्य गौतम जैन असे आहे. तो दक्षिण मुंबईतील नेपियन रोड येथील रहिवासी आहे.

पोलिसांनी शनिवारी सांगितले की, शुक्रवारी रात्री फुकेत-मुंबई विमानादरम्यान शौचालयात धूम्रपान केल्याबद्दल २५ वर्षीय प्रवाशाला अटक करण्यात आली. विमानात धूम्रपान करण्यास सक्त मनाई आहे. म्हणूनच, आरोपी तरुणाला विमान कायद्याच्या संबंधित कलमांखाली अटक करण्यात आली आहे.

Edited By- Dhanashri Naik