मुंबईत व्यावसायिकाचे अपहरण? शिंदे गटाचे आमदार प्रकाश सुर्वे यांच्या मुलासह 15 जणांवर गुन्हा दाखल
Prakash Surve's Son Raj Surve Allegedly Kidnapped: एका व्यावसायिकाचे अपहरण करून त्यांना मारहाण केल्याची धक्कादायक घटना समोर आली आहे. याप्रकरणी शिवसेनेचे आमदार प्रकाश सुर्वे यांचे पुत्र राज सुर्वे यांच्यावर गुन्हा दाखल झाल्याने राजकीय वर्तुळात खळबळ उडाली आहे.
मुंबई पोलिसांनी काल शिवसेनेचे (शिंदे गट) आमदार प्रकाश सुर्वे यांचा मुलगा राज सुर्वे आणि इतरांविरुद्ध गोरेगाव पूर्व भागातील व्यापारी राजकुमार सिंग यांचे खंडणीसाठी अपहरण केल्याप्रकरणी वनराई पोलिस ठाण्यात एफआयआर नोंदवला. पोलिसांनी राज सुर्वेसह 5 आरोपींची नावे दिली असून 10-12 अज्ञात आरोपींचाही एफआयआरमध्ये उल्लेख आहे. मुंबई पोलिसांनी या प्रकरणाची माहिती दिली आहे.
गोरेगावस्थित 'ग्लोबल म्युझिक जंक्शन' या कंपनीच्या कार्यालयात बुधवारी ही धक्कादायक घटना घडली. बुधवारी दुपारी ग्लोबल म्युझिक जंक्शनच्या कार्यालयात 10 ते 15 जण आले आणि कंपनीचे व्यवस्थापकीय संचालक राजकुमार सिंग यांना मारहाण करून बंदुकीच्या धाकावर त्यांचे अपहरण केल्याची माहिती मिळाली.
आमदार प्रकाश सुर्वे (प्रकाश सुर्वे) यांचा मुलगा राज सुर्वे याच्यावर एका व्यावसायिकाचे अपहरण करून मारहाण केल्याचा गंभीर आरोप करण्यात आला आहे. याप्रकरणी राज सुर्वे यांच्यासह 10 जणांवर गंभीर गुन्हा दाखल करण्यात आला आहे.
संबंधित व्यावसायिकाने बंदुकीचा धाक दाखवून स्टॅम्प पेपरवर सह्या घेतल्याची तक्रार दाखल करण्यात आली आहे. सोबतच या प्रकरणी तक्रार केल्यास खोट्या सावकारी प्रकरणात अडकवण्याची धमकीही देण्यात आल्याचे या व्यावसायिकाने तक्रारीत म्हटले आहे. पोलीस अधिक तपास करत आहेत.
दरम्यान, आमदार प्रकाश सुर्वे एका व्हायरल व्हिडिओमुळे चर्चेत आहेत. शिवसेनेच्या शिंदे गटाच्या नगरसेविका शीतल म्हात्रे यांच्यासोबत झालेल्या मेळाव्याचा व्हिडिओ समोर आला होता. हा व्हिडिओ मॉर्फ असल्याचे शीतल म्हात्रे यांच्या वतीने सांगण्यात आले.
