भोपाळच्या जंगलात एका वाहनात 52 किलो सोने आणि 10 कोटी रुपयांची रोकड सापडली
Bhopal News: आयकर विभागाने राजधानी भोपाळमधील रतीबाडी भागातील मेंदोरी जंगलातून एका बेवारस कारमधून 52 किलो सोने आणि 10 कोटी रुपयांची रोकड जप्त केली आहे. तसेच गुरूवारी माजी आरटीओ कॉन्स्टेबलच्या घरावर आयकर विभागाने टाकलेल्या छाप्याशी या प्रकरणाचे तार जोडले गेले आहे.
मिळालेल्या माहितीनुसार कारवाई टाळण्यासाठी हे सोने लपवले जात होते. पण, आयकर विभागाच्या पथकाने हे सोने जप्त केले आहे. याशिवाय टाकलेल्या अवस्थेत सापडलेल्या इनोव्हा क्रिस्टा कारच्या ट्रंकमधून 10 कोटी रुपयांची रोकडही जप्त करण्यात आली आहे.
गुरुवारी-शुक्रवारी मध्यरात्री सुमारे 2 वाजण्याच्या सुमारास आयकर अधिकाऱ्यांच्या पथकाने राजधानीच्या मेंदोरी भागात छापा टाकून 52 किलो सोने जप्त केले. हे सोने वाहनात भरून त्याची विल्हेवाट लावण्याची तयारी सुरू होती. मेंदोरीच्या जंगलात सोने जप्त करताना आयकर विभागाच्या अधिकाऱ्यांनी सुमारे 100 पोलिस आणि 30 वाहनांच्या ताफ्यासह छापा टाकला. जंगलात सापडलेल्या सोन्याची किंमत सुमारे 45 कोटी रुपये आहे.
Edited By- Dhanashri Naik
