बालासोरहून जखमींना घेऊन निघालेल्या बसची पिकअप व्हॅनला धडक होऊन अपघात

बालासोर दुर्घटनेनंतर सकाळपासूनच अनेक नेते घटनास्थळी पोहोचत आहेत. आज संध्याकाळी पंतप्रधान मोदी स्वतः घटनास्थळी पोहोचले आणि परिस्थितीचा आढावा घेतला. यानंतर पंतप्रधानांनी रुग्णालयात जाऊन जखमींची भेट घेतली. अनेक जखमींना घटनास्थळावरून रुग्णालयात नेण्याचे काम अजूनही सुरू आहे.   

अशा परिस्थितीत बालासोरहून जखमी प्रवाशांना घेऊन जाणाऱ्या बसला पश्चिम मेदिनीपूरमध्ये अपघात झाला. ओडिशातील बालासोर येथून जखमी प्रवाशांना घेऊन जाणाऱ्या बसला बंगालमधील मेदिनीपूर येथे अपघात झाला. बालासोर रेल्वे अपघातातील जखमींना घेऊन जाणारी बस पिक-अप व्हॅनला धडकली, यात बसमधील अनेक जण किरकोळ जखमी झाले. बालासोर रेल्वे अपघातात जखमी झालेल्या प्रवाशांना घेऊन जाणारी बस विरुद्ध बाजूने येणाऱ्या पिकअपला धडकली. धडक इतकी जोरदार होती की बसच्या पुढील भागाचे मोठे नुकसान झाले.  जखमी प्रवासी बालासोरहून अनेक जिल्ह्यांत पोहोचत असताना पश्चिम मेदिनीपूरमध्ये बसला अपघात झाला. या बस अपघातामुळे राष्ट्रीय महामार्गावर वाहतूक कोंडी झाली होती.  

हा अपघात राष्ट्रीय महामार्ग 60 वर मेदिनीपूरसमोर घडला. पिकअप व्हॅन आणि बस यांच्या समोरासमोर झालेल्या धडकेत अनेकांना किरकोळ दुखापत झाली आहे. या घटनेनंतर राष्ट्रीय महामार्गावर प्रचंड वाहतूक कोंडी झाली होती. पोलिसांनी जखमींना बाहेर काढून वेगवेगळ्या ठिकाणी पाठवण्याचे काम सुरू केले आहे. 

बालासोर येथे झालेल्या रेल्वे अपघातात 288 जणांना आपला जीव गमवावा लागला असून 900 हून अधिक जखमींवर उपचार सुरू आहेत. या अपघातात एकूण 1091 जणांचा मृत्यू झाला आहे.

या अपघातानंतर अनेक प्रश्न उपस्थित होत असून या सगळयांमध्ये अपघाताचा संयुक्त तपास अहवाल समोर आला आहे.या तपास अहवालात या भीषण घटनेमागे सिग्नलशी संबंधित बिघाड उघड झाला आहे. रिपोर्टनुसार, मालगाडी बहनगा बाजार स्टेशनवर लूप लाइनमध्ये उभी होती. दरम्यान, चेन्नईहून हावडाकडे जाणारी 12841 कोरोमंडल एक्सप्रेस बहनगा बाजार स्थानकावर पोहोचली.  बहनगा बाजार स्थानकावरून जाणारी कोरोमंडल एक्स्प्रेस अचानक रुळावरून घसरली.  

रुळावरून घसरलेल्या कोरोमंडल एक्सप्रेसचे काही डबे मालगाडीला धडकले. अपघाताच्या वेळी डाऊन मार्गावरून जाणाऱ्या यशवंतपूर-हावडा एक्स्प्रेसच्या मागचे दोन डबे रुळावरून घसरलेल्या कोरोमंडल एक्स्प्रेसलाही धडकले. 

कोरोमंडल एक्स्प्रेसचे 21 डबे रुळावरून घसरले आणि तीन डबे डाऊन लाईनवर फेकले गेले. भुवनेश्वर रेल्वे स्थानकापासून सुमारे 171 किमी आणि खरगपूर रेल्वे स्थानकापासून सुमारे 166 किमी अंतरावर बालासोर जिल्ह्यातील बहंगा बाजार स्थानकावर हा अपघात झाला. 

Edited by - Priya Dixit