सोमवार, 6 फेब्रुवारी 2023
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified बुधवार, 16 नोव्हेंबर 2022 (09:41 IST)

होमवर्क न केल्याने मुलाला दिली भयंकर शिक्षा

उत्तर प्रदेशातील कानपूरमध्ये एका शाळेतील शिक्षकाची क्रूरता समोर आली आहे कानपूरमधील पंकी रतनपूर दुडा कॉलनीत असलेल्या पंचमुखी विद्यालयाचे व्यवस्थापक अरुण कटियार यांच्यावर एका मुलाला बेदम मारहाण करून त्याचे केस उपटण्याचा  आरोप आहे. शनिवारी मुलाच्या पालकांनी पोलीस आयुक्तांना सांगितले की, त्यांचा मुलगा तिसरीचा विद्यार्थी आहे.
 
गेल्या आठवड्यात (5 नोव्हेंबर) रोजी त्याच्या मुलाने त्याचा हिंदी गृहपाठ केला नाही. त्यामुळे अरुण कटियारने त्याला प्रथम वर्गाबाहेर हाकलून दिले. यानंतर त्याला बेदम मारहाण करून डोक्याचे केस उपटून त्याच्या हातात दिले व घरी जाऊन दाखवण्यास सांगितले.
 
मुलगा घरी पोहोचला तेव्हा त्याची प्रकृती खूपच वाईट होती. पोलिसांनी ऐकले नाही तेव्हा नातेवाईकांनी सीपींची भेट घेतली. पोलीस आयुक्तांनी याप्रकरणी एफआयआर दाखल करण्याच्या सूचना दिल्या. पंकी निरीक्षकांनी सांगितले की, शाळा चालकावर गुन्हा दाखल करण्यात आला आहे. प्रकरणाचा तपास सुरू आहे.

Edited By - Priya Dixit