गुरूवार, 28 मार्च 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: शुक्रवार, 8 जुलै 2022 (23:44 IST)

अहमदाबाद सायबर क्राइम ब्रँचच्या तपासात उघड, नुपूर शर्मा वादानंतर भारताची 2000 वेबसाइट हॅक

भाजपच्या माजी प्रवक्त्या नुपूर शर्मा यांनी पैगंबर मोहम्मद यांच्यावर कथित वादग्रस्त वक्तव्य केल्याप्रकरणी अहमदाबाद सायबर क्राइम ब्रँचने मोठा खुलासा केला आहे. अहमदाबाद सायबर क्राइम ब्रँचचे डीसीपी अमित वसावा यांनी दिलेल्या माहितीनुसार, या घटनेनंतर इंडोनेशिया आणि मलेशियाच्या हॅकर्सनी भारताविरुद्ध सायबर युद्ध सुरू केले आहे. या हॅकर्सनी मुस्लिम समाजातील हॅकर्सनाही असेच करायला सांगितले. या संदर्भात अहमदाबाद सायबर क्राइम ब्रँचने दोन्ही देशांच्या सरकारला पत्र लिहिले आहे.पत्रात अहमदाबाद सायबर क्राईमने दोन्ही गटांसाठी इंटरपोल लुकआउट नोटिसचा उल्लेख केला आहे. 

हॅकर्सनी नुपूर शर्माचे घर आणि वैयक्तिक माहिती ऑनलाइन टाकली. याशिवाय आसाममधील एका प्रादेशिक वाहिनीवर थेट प्रक्षेपणाच्या मध्यभागी पाकिस्तानचा ध्वज दाखवण्यात आला. हॅकर्सनी ठाणे पोलिसांची वेबसाईट हॅक केली. एवढेच नाही तर आंध्र प्रदेश पोलिसांची वैयक्तिक माहितीही देण्यात आली. लोकांचे आधार कार्ड आणि पॅनकार्ड ऑनलाईन लीक झाले. नुपूर शर्माने पैगंबर मोहम्मद यांच्यावर केलेल्या वादग्रस्त वक्तव्यानंतर देशभरात अनेक ठिकाणी निदर्शने झाली होती. उदयपूरमध्ये एका शिंप्याची गळा चिरून हत्या करण्यात आली. याशिवाय अरब देशांमध्येही मोठा प्रतिसाद पाहायला मिळाला.  अरब देशांमध्येही अनेक ठिकाणी भारतीय वस्तूंवर बहिष्कार टाकल्याच्या बातम्या आल्या.