पंजाबमधील फटाक्याच्या कारखान्यात भीषण स्फोट,पाच जणांचा मृत्यू
पंजाबमधील फटाक्याच्या कारखान्यात झालेल्या स्फोटात पाच जणांचा मृत्यू झाला आणि अनेक जण जखमी झाले. जखमींवर उपचार सुरू आहेत.
पंजाबमधील श्री मुक्तसर साहिब जिल्ह्यातील लांबी भागात असलेल्या फटाके बनवण्याच्या आणि पॅकेजिंग कारखान्यात मोठा स्फोट झाला. यामुळे संपूर्ण परिसर हादरला. या स्फोटात पाच जणांचा मृत्यू झाला आणि सुमारे 30 जण जखमी झाले.
पोलिसांनी दिलेल्या माहितीनुसार, हा अपघात रात्री उशिरा 1 वाजण्याच्या सुमारास झाला. लांबी येथील पोलिस उपअधीक्षक (डीएसपी) जसपाल सिंह यांनी सांगितले की, सिंघवली-कोटली रोडवरील एका दुमजली कारखान्यात हा स्फोट झाला जिथे स्थलांतरित कामगार काम करत होते. अपघाताचा एक व्हिडिओ समोर आला आहे.
जखमींना एम्स भटिंडासह विविध रुग्णालयात दाखल करण्यात आले असून बहुतेक जखमींची प्रकृती धोक्या बाहेर असल्याचे सांगितले आहे.
स्फोटाचे कारण तपासले जात आहे.
Edited By - Priya Dixit
