Badrinath Highway बद्रीनाथ महामार्गावर दरड कोसळली

जोशीमठच्या एसडीएम कुमकुम जोशी यांनी सांगितले की, या भेगा गेल्या वर्षीही बाहेर आल्या होत्या आणि आम्ही दुरुस्तीचे काम केले होते. हे खड्डे 4 मीटर खोल होते, ते भरण्यात आले आहेत. भेगा तपासण्यासाठी सर्वेक्षण केले जात आहे.

जोशीमठसह उत्तराखंडच्या विविध भागात जमिनीला तडे गेल्याची अनेक प्रकरणे समोर आली आहेत. याची सुरुवात जोशीमठपासून झाली, त्यानंतर कर्णप्रयागमध्येही अशा घटना पाहायला मिळाल्या. अलीकडेच, बहुगुणा नगरच्या वरच्या भागात आणि बद्रीनाथ महामार्गाजवळ असलेल्या आयटीआय परिसरातील सब्जी मंडईतही तडे गेल्याची नोंद आहे. यानंतर एक पथक तपासणीसाठी आले असता त्यांना 25 घरांमध्ये मोठ्या भेगा आढळल्या. यापैकी 8 घरे अतिधोकादायक घोषित करण्यात आली असून, या घरांमध्ये राहणाऱ्या लोकांना बाहेर काढण्यात आले आहे.

नुकतेच कर्णप्रयागच्या मरोडा गावातही अनेक घरांना तडे गेले आहेत. भिंतीवर वीज पडल्यासारखी भेगा पडल्या होत्या. याशिवाय घरांचा पायाही सरकत होता. नुकतेच जम्मू-काश्मीरच्या रामबन आणि डोडा येथील घरांमध्येही भेगा पडल्याचे दिसले.