संबंधित माहिती
- जोसेफ विजय तामिळनाडूचे नवे CM
- थलपती विजय यांच्या शपथविधीला ब्रेक
- राष्ट्रवादी काँग्रेस पक्षाला मोठा राजकीय धक्का, शिंदे सेनेने रायगडमधील 'तटकरेंचा बालेकिल्ला' भेदला
- मी ९०,००० रुपयांचा माल घेऊन जात आहे, रुपये व्याजासहित परत करीन; प्रामाणिक चोराचे पत्र
- प. बंगालमधील विधानसभा बरखास्त, राज्यपालांचा मोठा निर्णय
कॅबिनेट मंत्री सुधाकर यांचे निधन
कर्नाटक सरकारचे मंत्री डी. सुधाकर यांचे निधन झाले आहे. ते बऱ्याच काळापासून आजारी होते आणि बंगळूरु येथील एका रुग्णालयात त्यांच्यावर उपचार सुरू होते.
कर्नाटक सरकारमधील मंत्री डी. सुधाकर यांचे प्रदीर्घ आजारानंतर रविवारी पहाटे निधन झाले. ते ६६ वर्षांचे होते. कर्नाटकचे नियोजन आणि सांख्यिकी मंत्री डी. सुधाकर यांनी बंगळूरु येथील कृष्णा इन्स्टिट्यूट ऑफ मेडिकल सायन्सेस (KIMS) मध्ये अखेरचा श्वास घेतला. गेल्या दोन महिन्यांपासून त्यांच्यावर फुफ्फुसाच्या संसर्गावर उपचार सुरू होते.
सुधाकर हे काँग्रेसचे ज्येष्ठ नेते आणि चित्रदुर्ग जिल्ह्यातील हिरियूर विधानसभा मतदारसंघाचे आमदार होते. कर्नाटकचे उपमुख्यमंत्री डी. के. शिवकुमार यांनी डी. सुधाकर यांच्या निधनाबद्दल तीव्र शोक व्यक्त केला. त्यांनी सोशल मीडियावर लिहिले, "आमचे मंत्रिमंडळातील सहकारी आणि जवळचे सहकारी डी. सुधाकर यांच्या निधनाने आम्ही अत्यंत दुःखी झालो आहोत. आजारपणामुळे उपचार घेत असताना आज त्यांचे निधन झाले." सार्वजनिक जीवनातील त्यांचे योगदान नेहमीच स्मरणात राहील.
Edited by-Dhanashri Naik
