रविवार, 21 एप्रिल 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: शनिवार, 5 ऑगस्ट 2023 (17:17 IST)

Manipur violence: मणिपूरमध्ये तीन जणांचा मृत्यू झाल्यानंतर हिंसाचार पुन्हा भडकला

मणिपूरमधील हिंसाचार थांबण्याचे नाव घेत नाही आहे. काल रात्री झालेल्या हिंसाचारात ३ जणांचा मृत्यू झाला, तर अनेक घरांना आग लागली. या हिंसाचारानंतरपरिस्थिती अधिकच तणावपूर्ण बनली आहे. शनिवारी सकाळीही विष्णुपूरच्या क्वाकटा भागातून प्रचंड गोळीबार होत आहे. पोलिसही प्रत्युत्तर देत आहेत. 
 
कुकीचे वर्चस्व असलेल्या डोंगराळ भागातून हा गोळीबार होत आहे. डोंगराळ भागातून बॉम्ब आणि ड्रोन हल्ले केले जात आहेत.  मणिपूर पोलीस, सीडीओ, कमांडो प्रत्युत्तर देत आहेत.बिष्णुपूरमधील हिंसाचारानंतर लोक संतप्त झाले आहेत. दरम्यान, मणिपूरमध्ये एका कमांडोच्या डोक्याला दुखापत झाली असून त्याची प्रकृती चिंताजनक आहे. 

कमांडोना बिष्णुपूर रुग्णालयात दाखल करण्यात आले आहे. येथील महिलांमध्ये तीव्र संताप असून महिला रस्त्यावर बसून आंदोलन करत आहेत. येथे निमलष्करी दल तैनात करण्यात आले आहे. 
 
काल रात्री विष्णुपूरमध्ये 3 स्थानिक लोकांच्या हत्येनंतर परिस्थिती तणावपूर्ण बनली आहे. काल रात्री बिष्णुपूरमध्ये मेईतेई समुदायाच्या तीन लोकांची हत्या करण्यात आली होती. याशिवाय कुकी समाजातील लोकांची घरे जाळण्यात आली आहेत. 
 
पोलिस सूत्रांचे म्हणणे आहे की काही लोक बफर झोन ओलांडून मेईतेई भागात आले आणि त्यांनी मेईतेई भागात गोळीबार केला केंद्रीय सैन्याने बिष्णुपूर जिल्ह्यातील क्वाकटा भागाच्या दोन किमी पलीकडे बफर झोन तयार केला आहे.  
 
मिळालेल्या माहितीनुसार, बेशिस्त जमावाने बिष्णुपूर जिल्ह्यातील दुसऱ्या आयआरबी युनिटच्या पोस्टवर हल्ला केला आणि दारुगोळ्यासह अनेक शस्त्रे लुटली. मणिपूरपोलिसांनी सांगितले की जमावाने मणिपूर रायफल्सच्या 2 रा आणि 7TU बटालियनमधून शस्त्रे आणि दारुगोळा हिसकावून घेण्याचा प्रयत्न केला, परंतु सुरक्षा दलांनी त्यांना धुडकावून लावले. 
 
या हिंसाचारात आतापर्यंत 160 हून अधिक लोकांना आपला जीव गमवावा लागला असून शेकडो लोक जखमी झाले आहेत.  
 
Edited by - Priya Dixit