संबंधित माहिती
- मेघालयातील "बेकायदेशीर" कोळसा खाणीत स्फोट, १६ कामगारांचा मृत्यू
- Best Pre-Wedding Trip: भारतातील ही ठिकाणे प्री वेडिंग करिता आहे परिपूर्ण
- मेघालायचे चार वेळा मुख्यमंत्री राहिलेल्या या ज्येष्ठ नेत्याचे निधन
- Places to visit in September: सप्टेंबरमध्ये भेट देण्यासाठी १० सर्वोत्तम ठिकाणे
- लग्नापूर्वी HIV Test अनिवार्य, सरकार या राज्यात कायदा आणणार
मेघालय: बेकायदेशीर कोळसा खाणीत झालेल्या भीषण स्फोटात 18 लोकांचा मृत्यू
ईशान्येकडील मेघालय राज्यात एका मोठ्या अपघाताची बातमी समोर आली आहे. गुरुवारी एका बेकायदेशीर कोळसा खाणीत मोठा स्फोट झाला, ज्यामध्ये १८ कामगारांचा मृत्यू झाला.
मिळालेल्या माहितीनुसार ईशान्येकडील मेघालय राज्यात एका मोठ्या अपघाताची बातमी समोर आली आहे. येथील कोळसा खाणीत झालेल्या स्फोटात अनेक कामगारांचा मृत्यू झाला. अजूनही अनेक जण अडकल्याचे वृत्त आहे. अधिकृत माहितीनुसार, मेघालयातील पूर्व जैंतिया हिल्स जिल्ह्यात गुरुवारी एका "बेकायदेशीर" कोळसा खाणीत झालेल्या स्फोटात १८ कामगारांचा मृत्यू झाला. अनेक जखमी कामगार अडकल्याची भीती आहे.
पोलिसांनी सांगितले की ही घटना थांगस्कू परिसरात घडली आहे आणि बचाव पथके शोध मोहीम राबवत आहे. आतापर्यंत १६ मृतदेह बाहेर काढण्यात आले आहे. स्फोटाच्या वेळी खाणीत किती लोक होते याची नेमकी संख्या माहित नाही. आणखी बरेच जण अडकल्याची भीती आहे.
खाणीत गॅस गळती किंवा तांत्रिक बिघाड हे अपघाताचे संभाव्य कारण मानले जात आहे. तपास पूर्ण झाल्यानंतर नेमके कारण स्पष्ट होईल. मेघालयचे मुख्यमंत्री कॉनराड संगमा म्हणाले, "...पूर्व जैंतिया हिल्समधील एका बेकायदेशीर कोळसा खाणीत डायनामाइटचा स्फोट झाला. ही घटना आज सकाळी ११ वाजता घडली. सध्याच्या अहवालांनुसार, या स्फोटात अंदाजे १८ जणांचा मृत्यू झाला आहे. एक व्यक्ती जखमी झाली आहे आणि त्याला रुग्णालयात दाखल करण्यात आले आहे. एसडीआरएफची एक टीम आणि एनडीआरएफचे अनेक कर्मचारी घटनास्थळी आहे. पूर्व विभागाचे पोलिस महानिरीक्षकांसह पोलिस विभागही घटनास्थळी आहे. खाण विभागाचे अधिकारी देखील उपस्थित आहे. स्थानिक प्रशासन देखील उपस्थित आहे. "
Edited By- Dhanashri Naik
पुढील लेख
