दहा महिन्यांत खाल्लेले दीड कोटींचे मोमोज, अधिकारी हादरले
Prayagraj News in Marathi उत्तर प्रदेशातील प्रयागराजमध्ये SGST अधिकाऱ्यांनी मोमोज विक्रेत्याकडे छापा टाकला तेव्हा सगळेच चक्रावून गेले. एका छोटय़ाशा दुकानात केलेल्या व्यवसायाची माहिती समोर आल्यावर सर्वांनाच आश्चर्याचा धक्का बसला. या छोट्याशा दुकानात अवघ्या दहा महिन्यांत केलेला व्यवसाय जाणून घेत एसजीएसटीच्या अधिकाऱ्यांनी दुकानाला पाच लाखांहून अधिक दंड ठोठावला.
उत्तर प्रदेशातील प्रयागराजच्या सिव्हिल लाइन्समध्ये मोमोजचे एक छोटेसे दुकान आहे. प्रयागराजच्या लोकांना मोमोजचे इतके वेड आहे की त्यांनी अवघ्या दहा महिन्यांत या दुकानातून दीड कोटी रुपयांचे मोमोज खाल्ले आहेत. ज्या दुकानातून प्रयागराजच्या लोकांनी दहा महिन्यांत दीड कोटी रुपयांचे मोमोज खाल्ले, त्या दुकानाचे कागदावरच अस्तित्व नाही.
दुकानाची एसजीएसटीमध्ये नोंदणी झाली नसून नोंदणी न करता करोडोंचा व्यवसाय केला जात असल्याचे सांगण्यात येत आहे. 18 नोव्हेंबर रोजी राज्य वस्तू आणि सेवा कर (SGST) ने दुकानावर छापा टाकला. या छाप्यात करचोरी आढळून आली असून आरोपींविरुद्ध 5 लाखांचा दंड ठोठावण्यात आला आहे. या प्रकरणाचा तपास सुरू आहे.
छाप्यादरम्यान, दुकानदाराने एसजीएसटीमध्ये नोंदणी केली नसल्याची माहिती समोर आली, त्यामुळे सरकारचे लाखो रुपयांचे कर नुकसान होत आहे. अधिकाऱ्यांनी पाच लाख रुपयांचा दंड ठोठावला असून तपासानंतर जे तथ्य समोर येईल त्यानुसार पुढील कारवाई केली जाईल, असे सांगितले.
