आझम खान यांना मोठा दिलासा, सर्वोच्च न्यायालयाकडून अंतरिम जामीन

Publish: Thu, 19 May 2022 (14:19 IST) Updated: Thu, 19 May 2022 (14:23 IST)

समाजवादी पक्षाचे नेते आझम खान यांना आज सर्वोच्च न्यायालयाकडून अंतरिम जामीन मिळाला आहे. उत्तर प्रदेशातील रामपूरच्या कोतवाली पोलिस स्टेशनशी संबंधित एका प्रकरणात त्यांना हा दिलासा मिळाला आहे. निकाल देताना सर्वोच्च न्यायालयाने सांगितले की, प्रलंबित प्रकरणांमध्ये खालच्या न्यायालयातून नियमित जामीन घ्या. नियमित जामीन मिळेपर्यंत अंतरिम जामीन सुरू राहणार आहे. या प्रकरणी न्यायालयाने आधीच सुनावणी पूर्ण केली असून जामीन अर्जावरील निर्णय राखून ठेवला होता. या प्रकरणी खंडपीठाने हा निकाल दिला. विशेष म्हणजे आझम खान 80 हून अधिक प्रकरणांमध्ये गेल्या 26 महिन्यांपासून सीतापूर कारागृहात बंद आहेत. एकामागून एक गुन्हे दाखल झाल्याने हैराण झालेल्या आझमसाठी ही दिलासादायक बातमी आहे. आझम खान यांना ट्रायल कोर्टातून आतापर्यंत 88 केसेसमध्ये जामीन मिळाला आहे, मात्र 89व्या केसमध्ये जामिनासाठी खटला सुरू होण्यापूर्वीच सर्वोच्च न्यायालयाने कलम 142 चा वापर करून जामीन मंजूर केला.

Koo App

सत्यमेव जयते । लम्बे अरसे से न्याय की जिस घड़ी की प्रतीक्षा थी वह आज पूर्ण हुई है। आजम खान साहब को सर्वोच्च न्यायालय ने अंतरिम जमानत दे दी है। उन्हें व्यवस्था की घोर प्रताड़ना से न्याय मिला है। भारत की न्याय व्यवस्था उम्मीद की एक किरण है। नमन। - Shivpal Singh Yadav (@shivpalsinghyad) 19 May 2022

शिवपाल सिंग यादव यांनी कू करत याबद्दल माहिती दिली की न्यायाची प्रदीर्घ प्रतीक्षा आज पूर्ण झाली आहे. आझम खान साहब यांना सर्वोच्च न्यायालयाने अंतरिम जामीन मंजूर केला आहे. व्यवस्थेच्या उघड जुलमातून त्यांना न्याय मिळाला आहे. भारताची न्यायव्यवस्था ही आशेचा किरण आहे. अभिवादन