ISRO: इस्रोचे प्रमुख एस सोमनाथ यांनी सांगितले गगनयान मिशन कधी सुरू होणार!

इस्रोचे प्रमुख एस सोमनाथ यांनी आगामी अंतराळ मोहिमांच्या तारखा जाहीर केल्या आहेत. एस सोमनाथ यांच्या मते, इस्रो 2026 मध्ये गगनयान मोहीम सुरू करण्याची योजना आखत असून चांद्रयान मिशन 2028 मध्ये लॉन्च केले जाऊ शकते. इस्रोचे प्रमुख एस सोमनाथ शनिवारी आकाशवाणी (ऑल इंडिया रेडिओ) च्या सरदार पटेल स्मृती व्याख्यान कार्यक्रमात सहभागी झाले.

ISRO चांद्रयान-5 मिशन जपानसोबत संयुक्तपणे तयार करणार आहे. तसेच, चांद्रयान-4, चंद्रावरून नमुने आणणारी मोहीम 2028 मध्ये प्रक्षेपित केली जाईल. 2025 मध्ये भारत आणि अमेरिका यांच्यातील NISAR हे संयुक्त ऑपरेशन सुरू करण्याची योजना आहे. इस्रो प्रमुख म्हणाले की, चांद्रयान-5 मोहीम जपानच्या JAXA या अंतराळ संस्थेच्या सहकार्याने पूर्ण केली जाईल.

इस्रो प्रमुख म्हणाले की, चंद्रावर मानवाला पाठवण्यासाठी चांद्रयान-5 मोहीम खूप महत्त्वाची असेल. चांद्रयान-5 मोहिमेअंतर्गत पाठवण्यात येणाऱ्या रोव्हरचे वजन सुमारे 350 किलो असेल. यापूर्वी चांद्रयान-3 मोहिमेत पाठवलेले रोव्हर केवळ 27 किलोचे होते. चांद्रयान-5 मोहिमेचे लँडर इस्रोकडून बनवले जाणार आहे, तर 350 किलो वजनाचे रोव्हर जपान बनवणार आहे.

सध्या जागतिक स्तरावर इस्रोचे अंतराळ क्षेत्रातील योगदान केवळ दोन टक्के आहे आणि ते या दशकात किमान 10 टक्क्यांपर्यंत वाढवण्याची गरज आहे. चे उद्दिष्ट आहे. या वाढीसाठी खाजगी क्षेत्राचा सहभाग आणि उद्योजकता सक्षम करणारी नवीन धोरणे आवश्यक असल्याचे ते म्हणाले. 

Edited By - Priya Dixit