1. मराठी बातम्या
  2. महाराष्ट्र न्यूज
  3. राष्ट्रीय
  4. supreme-court-bars-registration-of-bs-iv-vehicles

BS-IV श्रेणीतील नव्या वाहनांच्या नोंदणीला स्थगिती

BS-IV श्रेणीतील नव्या वाहनांच्या नोंदणीला सर्वोच्च न्यायालयाने नवीन आदेश येईपर्यंत स्थगिती दिली आहे. १३ ऑगस्टला या प्रकरणाची पुढील सुनावणी होणार आहे.
 
सरकारने BS-IV श्रेणीतील वाहनांची विक्री ३१ मार्च २०२० पासून बंद करण्याचे आदेश दिले होते. मात्र, २५ मार्चपासून देशात लॉकडाऊन जाहीर झाल्याने लॉकडाऊन संपल्यानंतर BS-IV श्रेणीतील उर्वरित वाहने पुढील 10 दिवसात विकण्यास सर्वोच्च न्यायालयाने मुभा दिली होती. तसेच या वाहनांची नोंदणी करण्याचा कालावधीही वाढवण्यात आला होता.
 
मात्र, लॉकडाऊनचे नियम शिथिल झाल्यानंतर थोड्याच कालावधीत BS-IV वाहनांची नेहमीपेक्षा मोठ्या प्रमाणात विक्री झाली. त्यावर सर्वोच्च न्यायालयाने तीव्र नाराजी व्यक्त करत या वाहनांच्या नोंदणीला स्थगिती दिली आहे. 
पुढील लेख
येत्या १० ऑगस्टपर्यंत सर्व डॉक्टरांना पगार द्या, सर्वोच्च न्यायालयाचा आदेश