संबंधित माहिती
- पंजाब 'दुहेरी स्फोटाने' हादरले; जालंधर येथील बीएसएफ मुख्यालयानंतर, अमृतसरमधील एका लष्करी छावणीबाहेर स्फोट, हाय अलर्ट जारी
- "मी माझ्या आयुष्यात अशी निवडणूक कधीच पाहिली नाही," पराभवानंतर ममता बॅनर्जी म्हणाल्या
- Assembly Election Results 2026: पश्चिम बंगाल आणि आसाममध्ये कमळ फुलले
- एसीचा स्फोटात होरपळून 9 जणांचा मृत्यू
- कर्नाटकातील तुमकूर जिल्ह्यात H5N1 विषाणूचा हाहाकार; तब्बल ४० मोरांचा मृत्यू
पश्चिम बंगालमध्ये भाजप नेते सुवेंदू अधिकारी यांच्या खासगी सहाय्यकाची हत्या
विधानसभा निवडणुकीच्या निकालानंतर पश्चिम बंगालमधील हिंसाचार अव्याहतपणे सुरू आहे. दरम्यान, एक खळबळजनक घटना समोर आली आहे.
मिळालेल्या माहितीनुसार, बुधवारी रात्री उशिरा उत्तर २४ परगणा जिल्ह्यातील मध्यमग्राम परिसरात भाजप नेते सुवेंदू अधिकारी यांच्या वैयक्तिक सहाय्यकाची (पीए) गोळ्या झाडून हत्या करण्यात आली. हल्लेखोरांनी त्यांना कोलकात्यात लक्ष्य केले आणि एकापाठोपाठ चार गोळ्या झाडून त्यांचा जागीच मृत्यू झाला.
पश्चिम बंगालमधील हिंसाचार अव्याहतपणे सुरू आहे. दरम्यान, एक खळबळजनक घटना समोर आली आहे. मिळालेल्या माहितीनुसार, बुधवारी रात्री उशिरा उत्तर २४ परगणा जिल्ह्यातील मध्यमग्राम परिसरात भाजप नेते सुवेंदू अधिकारी यांच्या वैयक्तिक सहाय्यकाची (पीए) गोळ्या झाडून हत्या करण्यात आली.
कोलकातामध्ये हल्लेखोरांनी सुवेंदू अधिकारी यांचे वैयक्तिक सहाय्यक चंद्रनाथ रथ यांना लक्ष्य केले आणि त्यांच्यावर चार गोळ्या झाडून त्यांना जागीच ठार केले. सुवेंदू अधिकारी यांचे वैयक्तिक सहाय्यक, चंद्रनाथ रथ, घरी जात होते. त्यांच्या गाडीचा पाठलाग केल्यानंतर हल्लेखोरांनी दोहरिया परिसरात गोळीबार केला. तीन गोळ्या चंद्रनाथ यांच्या डोक्यात लागल्या.
या हल्ल्यात पीएसओ चंद्रनाथ यांचा चालकही जखमी झाला. या घटनेनंतर संपूर्ण परिसरात घबराट पसरली आहे. घटनास्थळी मोठा पोलीस बंदोबस्त तैनात करण्यात आला असून तपास सुरू करण्यात आला आहे. भाजपने चंद्रनाथ रथ यांच्या हत्येसाठी तृणमूल काँग्रेसला जबाबदार धरले आहे.
सुवेंदू अधिकारी यांचे वैयक्तिक सहाय्यक, चंद्रनाथ रथ, हे अनेक वर्षांपासून सुवेंदू अधिकारी यांच्यासोबत काम करत होते आणि त्यांच्या खूप जवळचे मानले जात होते. त्यांनी नुकत्याच झालेल्या निवडणुकीत प्रचाराची महत्त्वाची कामेही सांभाळली होती. पोलीस हल्लेखोरांचा शोध घेत आहेत.
Edited by-Dhanashri Naik
